Popular Bible Verses from Yohaannis Kaalta 2

Share

Ihukkaarem an keese gadoommi luwwi yookko. Oohim at eraa'l iitto uttaatto.

At hanniinsi ubbida'e sawwihe. Baaxiilo biiraa yihe; eraare baxxam hee'llitti baxom baxe. Baaxiilomdu biiraa yitbeelas kiikka caakka dissitoo mu'uta beyyiinsi ki'isoommo.

At abbis ammanenne aa'lleena yoonti hawwo aa'imma baddititte. Macceessehe, Sheexaanchi ki'nnuwwiinsi mat mat keeno keeneena karaxxi minenne aagisookko. Ki'nnuwwim tommi ayyaamo hawwo aa'llakkamo. Letakkeebe'i afeebe'e amma'nnantakko'oo keen ikkehe. Anim ki'nnuwwina kaachchi mare'i ihoo heechcha irifoommo.

Qoossaa macceesoo macci yookkok Keesammi Ayyaan amma'nnaa'n wixxittuwwina kurookkoka macceesona. Kaa'ukkaannina heechchina Waa'i gudisaakkoo beyyonne yoo heechcha uwwoo haqqichchiinsi misha itona uwwoommo» yukko.

An ki baxo ookkim ki badallatoo ki xa'nnimmaa la'oommo. Odim asse'antoo'nnim Neese mishiraachchi sagara kulloommisina Yesuusiinsi asse'ammaammoo keeno yitam qophphanaan jor manna saarayyitaa moo'llaa ki woronne amaddaa afuuttibee'isa la'oommo.

Odim kiikka xa'nnimma, i summi bikkina qoxxittisaa kaa'antibee'isaa la'oommo.

Qoossaa macceesoo macci yookkok Keesammi Ayyaan amma'nnaa'n wixxittuwwina wocookkoka macceesona. Kaa'ukkaannina maaxamaakkoo maanna'a yakkam hurbaatiinsi uwwoommo. Odim aa'lloo manchiinsi bagaan ayyim la'oobee'i haareechchi summi kitaabamaakkoo qadaalli kinam uwwoommo» yukko.