Popular Bible Verses from Issaayyaas Kitaaba 54

Share

Keesenne qaashakko'i mu'ut chokaatookko; keese kasasoo keen hundam neegattootto; an i awwaadaanina uwwoommi sharad kane; ixxuwwi eroommim iinniinsette» yoolla.

Duunnuwwi heekke'ookko; hoffi duunnuwwim bi'ookko. Ihukkaarem heer heerina hee'oo i iitti kiinninne qoxxaa hee'ookko. I xummik hidi'l sagarim bi'ooyyo» yoolla.

Tuuttoobee'i bikkina baddititte; sholle'lloobee'i bikkina muggititte; woraadda'n ammane keesenne afu tuulle xaddootto; busar meentichchosa keese game'llakko'i doolle tiittooyyo.

Mashka'oomim keese qooccukkok kiina aro'o; ixxi summim gogoxxi Moollanni Waa'a. Isra'ee'l Keesammi keese Gatisaancho; ixxim ‹Heer uullina Waa'a› yamamoohane.

Ee bikkina at hee'lloo dukkaa'n beyyo haraasse; du'm eddechchuwwam haraassitaa biddiqaa'e; hore'em hoffiissitte. Usseewwa qeeraa'llise; xiribbuwwam qoxxise.

«Ki oos hundim iinniinsi Waa'iinsi losso'oo keen ikkamo ki oosinam lophphaakkoo xumma uwwoommo.

An lobakata quuqummi bikkina hofqax ammaninam keese uraa hee'ummo; ihukkaarem heer heerina hee'oo i iittinne kiina qishixxoommo» yoolla.

«An keese hofqax ammaninam uraa hee'ummo; ihukkaarem lobakat qishixxatinne i kollonne dabaroommo.

Kiina qishixxoo Waa'i «Nohe'i doolle ‹Uulla wo'inne od bi'soommoyyo› yaa sagara aagummisam oono'o, kaba odim ‹An keesenne od quuqoommoyyo› yaa sagara aagoommo. Ka lasage od keese axeeroombee'isam hide'aammo.

Kininne ootamu ooxxi ludonne yoo goobinaanchom aduu'n ille laboo kininne ki qash goocam inqu yakkam belecce'oo kininne, ki kululleetanne yoo ootam bito xee'aalli kininne baxoommo.