Popular Bible Verses from Issaayyaas Kitaaba 53

Share

Ihukkaarem ixxi ni hawwojji bikkina madukko; ni baaxii'l bikkinam xaamukko. Ixxi guzumo'anchinne niina xummi ihukko; ixxi madinnem neese fayye'nnummo.

Neese hundim gereebbisa binni binninaa bi'nnummo; neese annannichchim googgoogom mallummo. Ihukkaarem Waa'i niikka hundikam hawwojja ixxonne iyyiisukko.

Hanqinam ixxi ni bikke jabbukko; ni xissom iyyukko. Ihukkaarem neese aphphisamukkaannisa, Waa'i qasukkaannisaa hawwukkaannisaa issinaa xingummo.

Manni gadaa sabaakkoo xissii hawwii annanni ihoo'n yoo manchi hee'ukko. Manni shigigaa ille dabareebe'e gadamaakkoohan hee'ukko; neesem lonsinumbee'ane.

Ixxi u'nnamukkoo orba'ukko; ihukkaarem maham wocukkoyyo. Durakkeena massakkam gereechchi geexisaa odda muroo kee'n illagenne cawwoo gereechchisaa cawwukko bagaan maham wocukkoyyo.

Waa'i «Ixxi jabbinne xaamukkok i doo'llinnette; ixxi gaga baaxiilina kitim issaa lasage shumo'o moo'ookko; ixxi umurim qeeraa'llookko; i doo'llim ixxenne wo'mmookko.

Ixxi Waa'i illagenne gogaalli uullanne li'oo xaphisaa mutaa'nnisaa li'aakko. Mishisoo dan te'im hibbi ixxena bee'e; moo'nnaa iittinoommisa issoo haatim hee'ukkoyyo.

Ee bikkina ixxena sharada la'anto'oo keeninne uwwoommo; qeefajjo'om wodaammuwwinne baxxamookko. Mashka'oomim ixxi gaga lehina higisaa uwwaakko; boqquwwi keeninnem xigamaakko; dut kee'nneka baaxiilo iyyaakko; boqqi kee'n bikkinam uunxaakko» yoolla.

Ixxi gag lobakata hawwaa lasage heechchika caakka moo'ookko; lobakatam liiramookko. Muccur i awwaadaanchi ixxi lachchinne lobakat keeno muccussookko; ixxuwwi baaxiilom iyyookko.

U'nnisimminnee oogatimminnee massakko'o; i minaadaphphi baaxii'l bikkina aphphisamaa manni hee'oo uulliinsi bi'ukkisa ixxi qaranchiinsi ayyi qoossaate?

Ixxonne jolli mahim hee'oo'n ixxi suuminnem qophphano wocoo'n ixxi leh jor keeninne waammim goddaan keeninnetti ihukko» yookko.