Popular Bible Verses from Matius 21

Share

Ange tep nengeda, nedi pepsene. ‘Akeca-keca yuma, Allahdi karepkamsere,’ tenepra moromum taru yumada, ‘Allahdi tek sisi karepkamser’ tenen, kange bongtona gum dipapu, teka tenepra moropmumyopda, Allahdi tek sisi karenkamsere,” Yesusdi pepu.

Upepipa, Yesusdi tamupra pepu. “Ne tek sisi pepsene. Ware neng do yuma, kange dipru bongtona gum di, Allah tep pio teka tenepmengedi, ‘Ne Allah tep moropkun kecada, Allahdi tek sisi kupkamnere,’ tenepra, Allah tep moropmenge pangeda, ila mambul keca kuptenge. Ada, nedi pepmanupa, ara co koulupmartopu kuptue. Tonda, angepu gume. Ormutu tep upeptue. ‘Kan pedipapu ereprap, laut mokon neitamai derirbeo,’ peptuopda, er peptu upu deiki di, amutu er pedipapu erepra, laut mokon neitamai dokotepdatue.

Yesus banmauai mepra banmai nesala cap, amenda yakanmai nesala cap, sunda, ‘Yesusdi nun ila nimi deiyo ngebo Raja kepkamaser’ tenen, Allah upu lap perami neng, nabi nengdi menop taru sekami upu dopra, ila di pepbanmai. Pepbanmai upuda ake. ‘Daud er yala nengdi deipi ngeboda, erda pio telepe. Ibrani upu deiki di ‘Hosana,’ penmai. Er si erepra gispal dopmepe. Allah er puto cap, er si cap deiki di yanmasere. Angeboda, Allah er ila puto di makurepa, teleppu kurure. Erda ila mambul ngebo kurure. Allah kanda, im deiki kumemdi, ila puto kurum ngebo, kan sipu ila di erepmakepa tep, hosana pepmepe.’ Upepra Allah tep ila di gispal donmai.

Ukunmau taruda, akunmai neng yuma tep, aupu yuma peteremau. Allahdi peipupa, nabi Yesayadi sekeiamu upuda men tenerum do? Aupuda adano. ‘Nesala ban-ban yumadi, “Allah er si eremengedi er tep moronung ati adano,” pepra penkamenge, pepu.’ Tonda Yesusdi aupu pepu. “Allahdi peipupa Yesayadi apepmasen upu sekeipseu dinin, aupu ton akapmare. ‘Akatida nati dinin, sunda nimi upula nengdi upula dopra, inimameng neng, sun kurameng ati utopu, ne ati konum mali kupra deipmarume.’ Nabi Yeremia sekeiamu upu dopra konum pepsene,” Yesusdi akeca talepra kunumai neng tep pepu.

‘Kandi Yerusalem mutu kunge nesala tep upepkurume. ‘Sun yuma diso. Sun ila nimi deiyo ngebo, dipru boun kupredi, keledai bisam mi meteknge deiki bukra yakanmare,’ pepra lap pepkurume.’

Upepipa, Yesusdi tamupra aupu ton cap pepu. Dauddi sekamu buku neitamai kapu upu dopra pepkusen ngeda, aupu neitamai kapu upu moupra men nungmumdi ‘Deiyo ace,’ men tenepmarumdi penmanurum do? Dauddi domon upu deiki sekeiamu upuda adano. ‘Gel ati dorami nengdi ‘Agelda mali gel cadi, mambul gel guma,’ tenepra dela dungdongonai deipra dorameng gel dinin, ‘Agel mali’ tenen, tapi gelda, pio mambul gel kurure. Pio telep kupre ngeda, Allahdi telep kupra deipka cadi, nundi angeda pio telepe tenenupe.’ Ada Dauddi sekeiamu upu konum pepsene. Yesusdi Yahudi yala deiyo neng awekmaiya tep pepu.

Upepu dingeda, adomon upu ton cap pepu. “Ange tep nengeda, ne tek sisi pepsene. Allahdi nesala ban-ban yuma talenkamser taruda, sun Yahudi yala nesala, sun deiyo neng cap, Yahudi yala nesala yuma cap, men di kareramsetu dinin, sun damai dopra, yuk neng tep karenkamre ja. Er karenkamre nesalada, telep co di du telepngepu mouramretopu, er upu moupra gekepmengedi, er upupu talepmengedi, er pelpu talepra donkameng neng tep karepkamre,” Yesusdi pepu.