Popular Bible Verses from แปร กาฮ็อห 13

Share

ปัน ตี อาฆาลีบ บอ กาลาง ดี เฆ ดูอี กืน อี แฮะ จูห ดี ปึณ ดี อาโมวแซ, แตห เฆ วี เยน. อัน ต็อห, “แตห เอ ฮาว ดึห มืง ตี อู เฌณ. เอ ดืน ดี แป เฆ อาคาคัร หมาน.”

เย แฮะ ยึร ดูอี โดว ตาง, โปลม ตาง อี มูห ดูอี อานาก ตึอน. เฆ กอย แคง มืง ตี. เย ยอด เฆ, เอ แฮะ ปี มา อาโฌ็ง. เฆ มืร ดี มาด เอ ปาย ตี.”

มาแล, เฆ ดูอี อี โดบ อัน, เฆ วี ต็อห, “เอ ตู แหนน ดี แป ดูอี แคง มืง ตี. เฆ มึห โปลม เฆ แฮณ หลึอม เอ.”

ปาย ตี เฆ วี กาลาง อี ตู หมึอม ดี เฆ ดูอี อีซาเรลัะ ลอง ปี ปาย แคง มืง ตึอน. เฆ วี ต็อห, “มืง แปะ แฮะ ฮอต ฮาว ยอด เย ตี, อึณ บอ มูห มืง อี นับ ดี แตห ดูอี อี กอย นา แคง ลึร ชึม. ดูอี ปี กาตูณ เย แคง มืง ตี มืร, อึณ มูห โตต ดูอี โดว โต็ง โดว ตาง ดีโลย.

เฆ บอ กาลาง ดี อาโมวแซ ต็อห, “เย แฮะ ฮอต ฮาว ยอด ซีคยา ปี ปาย แคง มืง ตี. แฮะ มูห มืง บอด อี แตห เอ มึห ปี โลว เอ ดอน โมยว. บอ กาดาย แฮะ บอด, แฮะ หมึอม. เบล เฆ นี มืร, บอ มูห เบล แคง มืง ตี.

มาแล, ดูอี อี กอย แคง มืง ตี, เฆ มึห โปลม มึห แฮณ กืน. มืง ดอน มืง บอ มูห มืง ตาง อี แฮะ มึห แรง โรบ ดอน บลาก. แดง ตี, เย แฮะ ยึร บอ ดูอี อานาก ตึอน.

ดูอี อามาเลก บอ กอย บลาก นา เตต. ดูอี อาโมยว เฮทีด, ดูอี เยบูซีด บอ ดูอี อาโมวรีด, เฆ วี กอย แดง นอน. ดูอี อาโมยว กานัณ, เฆ บอ กอย โคบ อึม นัมมูกซารา บอ โคบ แบลง ยอดาน.”

ดอ อัน ตี อาโมวแซ บอ อาโรน บอ เฆ ดูอี อีซาเรลัะ บอกาเฆลียด, เฆ กอย โคบ มืง ซาเดด แคง แปร กาฮ็อห อี จืร พาราน ตึอน. เฆ บอ กาลาง บอ แค ปี ปาย แปะ แฮะ ยึร เฆ. เฆ บอ บยัะ บอ เบล ปี ดึห ตัห เฆ ตึอน, แตห ดูอี กืน ยึร.