Popular Bible Verses from มก 2

Share

บอ เฌา เยซู แฮะ ยึร โฆรห เฆ. อัน วี ต็อห ดี เฆ, “อาเซ แฮะ โปลม คัะ, อาว โลว ซาราโวน. อาเซ มึห เซา รอฆา, อัน แฮะ โลว ซาราโวน. โคว, โอว มืร ตู ตัห แตห โอว แดะ ดูอี หมึอม ตัห โดบ โอว. โอว แฮะ ตัห แตห โอว แดะ เฆ ดูอี มึห หมาบ ตัห โดบ โอว.”

เฌา เยซู ยี ยึร เฆ หณึม อัน, อัน วี กาลาง ดี ดูอี เซา ตี. อัน ต็อห, “อึย วา โอว, โอว แฮะ ฮอต บลัวะ แวน หมาบ แม.”

เฌา เยซู แฮะ ฮอต กาลาง โฆรห ตี, อัน วี ต็อห ดี เฆ, “เฌาพรา โบง ซีแง ดีเหลา, แตห อึณ จอย ดูอี. อัน ตู โบง ซีแง ดีเหลา แตห อึณ หณาบ ดี ดูอี.

โกบ กืน ดูอี, เฆ ตู ปึอน ฮาว ฌัม โดง กอย เฌา เยซู. ปัน ตี เฆ วี โฮะ แดง กาตูะ กาง, วี ปยาต, แตห อึณ แบน กาเดา นา แดง โดง กอย เฌา เยซู. แฮะ ฮอต, เฆ วี บยัว โลง ดูอี เซา ตึอน แดง กาแบห อัน, แตห อัน ฌัม ดี อาต เฌา เยซู.

โอว ยี แตห เบ นับ, โอว อี แฮะ แบน ฆอน ดูอี, โอว แฮะ มึห ปวน แดง กาดาย, แตห โอว แป ดี บลัวะ แวน หมาบ อี.” อัน แฮะ ฮอต กาลาง ปาย ตี, อัน วี ต็อห ดี ดูอี เซา ตึอน, “โอว ต็อห ดี แม, ยีต, แตห แม ดึห โฆ็ง กาแบห แม, เวณ แคง กาง แม.”

เซ โอว ต็อห ดี ดูอี ตี, ‘โอว ฆ็อห แวน หมาบ แม,’ เบ ทาง อึณ แฮะ หงึย กาลาง โกบ ตู ปึอน ยึร เบ, โยว หมาบ ซี มึห, ตู มึห. เซ โอว ยี ต็อห, ‘แตห แม ยีต, โฆ็ง กาแบห แม, เวณ,’ เบ ทาง อึณ หณาบ กาลาง โกบ ปึอน ยึร เบ, โยว อัน ยีต, ตู ยีต.

ปัน ตี อัน บอ ยีต อู เฌณ, ดึห โฆ็ง กาแบห อัน, ฮาว เลห โดง กอย เฌา เยซู, แตห ดอน อี ปึอน ดี ยึร. เฆ ดอน อี กอ อาม กาเซา. เฆ บอ อืบ เฌาพรา ต็อห, “เอ ตู ดึอม ยึร ฌึร ตี ดอ เหมา.”