Popular Bible Verses from มท 10

Share

โอว มืร จัร เบ ฮาว กาลาง ดี อี ลอง โอว, แตห เบ ปี มาบู อี ฮาว โดง มึห มาโซว แปร, อี ซี ก็อะ มาบู. โคว, เบ โลว หล็อก ปี มาฮัณ. เบ ยี โลว เบลห น็อห, แตห อึณ ปี มาโบลย, แกวะ แตห เบ โบง นา ตู หมึอม.

อาเซ หลัยะ อาซาก อัน, อัน ดี ชึม. อาเซ ยี ตู โยว ดี ยัม โกบ โดบ อัน ดี โอว, อัน วี ปึอน อาซาก กามาย.

เบ แกวะ โยว เฆ ดูอี อี นับ ดี ง็อห ยัม โดว โบ็ง เบ, ยี ตู ปึอน แตห เบ โจห กาโละ งาราย. เบ ยี โลว โยว เฌาพรา อี แป ดี แวน บอ โดว บอ น็อห, แตห เบ ชึม โตต, โจห แคง กาโละ งาราย.

อาเซ ซี โดบ โอว โลว เบลห น็อห อัน ต็อห, ‘เซ โอว ดี บอ โลว ยัม, โอว ยี ดี โดบ เฌาพรา เซเซ.’ อาเซ ตู เบลห น็อห ปาย ตี, อาว กาอาบ โดบ โอว.

เซ ดูอี อู วี กาลาง ดี อี เฮา ลอง หณึม อัน ดี โอว, โอว มืร ดี วี กาลาง ลอง อัน ดี ฆูณ โอว, อี กอย ฆางหราว. เซ ดูอี ยี ต็อห ดี อี เฮา, อัน ตู นับ โอว, โอว มืร ดี ต็อห ดี ฆูณ โอว ลอง ดูอี วี ตี, ‘โอว ตู นับ อัน.’

เบ โลว ปีแกน ดูอี เซา, วี โบง แตห ดูอี ยัม วี ยีต วี อีม. โบง แตห เฆ ดูอี อี มึห เซา ดูะ วี แกน, ซูต เฆ กานัม เลห ตัะ โดว โบ็ง อี. ปวน ปี ดัว โอว ดี เบ อี แตห เบ โบง ฌึร ตี แบน โมยว แบน โมยว, โอว แฮะ ดัว ดีโลย ดี เบ, อาว โลว ดัว รึอน. โคว, บอ เบ โลว ดัว ดีโลย ดี อี, แกวะ หมาณ รึอน.

เซ อึณ ปาย ตี, เบ ตู โลว โยว มาเซ. ง็อห เบ แฮะ ตาง หลึอม ง็อห เฆ มาซีล็อห อี กืน กาเซา.

เซ เบ ทาง, โอว ตัห แดง กาดาย นี, ดี แตห เฆ ดูอี กอย รึม, กอย ดาคึย, อึณ ตู หมาน. โกบ แฮะ ตัห โอว แดง กาดาย นี, เฆ ดูอี ดี ลาย กาโฆห, ลาย รู.