Popular Bible Verses from อาอีซายัะ 65

Share

ซีณ อาต ฮอต ซาคึร เฆ, โอว แฮะ ฮอต โทม โฆรห เฆ. ดอ ซี กาลาง เฆ โอว ดี บอ ดัว ปี หมาณ เฆ.

แฮะ ฮอต, เฌาพรา ปี วี ต็อห, “โอว แฮะ คราม ดี โบง กาดาย อี กามาย บอ ฆางหราว อี กามาย. ลอง อี แฮะ ปวน ตัห นา ปัน ตึอน, อาว ฮู มึห อี โหลห อี โนว ดอ เหมา.

ฆาน ปี โบง ปี รัณ เฆ, อึณ ดี บอ กยัะ บอ ออง. อึณกรึห เฆ, อาว มึห อี ดูก อี หณาบ ดี น็อห ดอ เหมา. โคว, โอว ดี บอ ม็องการา ดัว นา บอด นา หมึอม ดี เฆ บอ ดี หลูกหลาน เฆ.

อาว ฮู ปี คา อาต, ดอ ซัม เฆ กาง เฆ, ยี มึห อี เฮา ตัห กอย. ดอ ซัม เฆ มาน มางูน เฆ, ยี มึห อี เฮา ตัห โฮม. โคว, เฆ ดูอี ปี อึบ โอว, เฆ ดี มึห อาซาก โต็ง ปี เฮ. เฆ ดี บอ โบยว ดาคึย โกบ แฮะ ปึอน เฆ ดี บึง แปะ แฮะ โบง เฆ, แปะ แฮะ ลึมลา เฆ.

ฆอน อางัะ มืร ตู ยัม ดอ ซี อางัะ อัน. ดูอี บอกาเฆลียด ดี บอ มึห อาซาก โต็ง กาเซา. เซ อาซาก เฆ แฮะ โนะ อู มาย็อห ซีนัม, เฆ ยี ปี ดูอี หนึม. เซ อี ยัม อาต โนะ อาซาก อัน อู มาย็อห ซีนัม, อึณ มูห ดูอี แปะ แฮะ ดืง โอว.

ดอ อัน ตี, มาโซว แปร ฆาย ฆอน มาบู ดี กอย กาโดบ โฮม รึม. มาครังซี ดี บอ โฮม เหรียง ปี มามัก. แคะ กอย อาโมยว มาฮัณ, เฆ ดี บอ โฮม กาปูห. อึณ มืร ฮู มึห อาเพ อาเร มาเซ ดี นอน ฌีโอน อี มูห โดง ซีงา บอด, โดง กอย โอว.” แคะ ตี แปะ แฮะ กาลาง เฌาพรา.

โอว มืร ดี มึห น็อห โคย ดาคึย โกบ มืง เยรูซาแลม บอ โกบ ดูอี อี กอย แคง มืง ตี. อาว ฮู มึห อี ยาม อี ดัด.