Popular Bible Verses from อาอีซายัะ 54

Share

มาแล, ครึง กาโฆห อี ดี วี กาโฆห ดี เบ, อึณ ตู ออง ดอ เหมา. ดอน อี อี แนนัะ เบ, เบ ดี โลว ดัม หมาบ ดี อัน. โอว ดี โบง ปาย ตี ดี เฆ ดูอี ปี ซูต ปี จัร โอว, แตห เฆ ออง รันซู เฆ.” เฌาพรา แฮะ กาลาง อูน ปาย ตี.

นอน ดี ตาง ปี บอ กาโทะ มืร, นอน ดีแตด ปี บอ ดียูห ดีเยณ มืร, น็อห เมตดา โอว ยี ตู โตต ตู หราย ดอ เหมา. บอ กาดีก ซัดฌา แปะ แฮะ ดัว โอว ดี เบ, อี แตห น็อห เบ ฆัด เฆียด, อึณ ตู กาดัด ดอ เหมา.” เฌาพรา อี มึห น็อห ร็อก กาเว แฮะ กาลาง อูน ปาย ตี.

แกวะ แตห เบ โยว, เบ อาว ฮู โลว ซาย อี, อาว ฮู โลว ปี กาฟัร กาเฟียน น็อห เบ. เบ อาว ฮู โจห เตียม. เบ ดี วี ปีว อี หมึอม ซาย แปะ แฮะ โบง เบ ดอ ซี หนึม เบ ตึอน. เบ อาว ฮู มึห น็อห เตียะ น็อห ดีแตด โกบ ปี เบ ยา ซีปรัห อี กอย ราง อัน.

โคว, อัน เฌา อี พาน เบลห แม, อัน แฮะ ปี อีมาย แม. อัน บอ จืร เฌาพรา อี อึบ โตต ดอน โมยว. เฆ อี เฮา บอ ต็อห, เฌาพรา อี ซีงา บอด อี มูห เฌาพรา ปี กรึบ ดูอี อีซาเรลัะ อี แฮะ ทูด เลห เฆ, อัน บอ จืร “เฌาพรา อี อึบ โตต แดง กาดาย นี.”

แตห เบ ปีเลห ปีว็อห แวง ทึบ บีก เบ, แตห อึณ ตาง. แตห เบ กาโทะ บอ บีก ฆ็อง, แตห โดง กอย เบ กาว็อห, แกวะ แตห อึณ กาเคียะ. บอ วัน ทึบ เบ, แตห เบ ปีโต็ง. บอ หล็อก ปี ดอก เบ, แตห อึณ รีด, แตห อึณ มัน ซีคยา.

บอ หลูกหลาน เบ ดี แบน ดีแบ เฌาพรา. เฆ ดี บอ มึห น็อห ฆัด เฆียด บอ น็อห ดาคึย.

โกบ แฮะ รู กาเซา โอว, โอว แฮะ เบลห แวน เบ อาดา อู กาจัน. โอว ยี มึห น็อห ร็อก น็อห เมตดา, แตห โอว วี กาเว เบ เซเซ.” เฌาพรา อี แฮะ ทูด เลห เบ, อัน แฮะ กาลาง อูน ปาย ตี.

“โอว แวน เบ มี อาดา อู กาจัน. โอว ดี วี ดึห วีว เบ โกบ มึห โอว น็อห ร็อก กาเว กาเซา.

เฌาพรา วี ต็อห, “ดอ อัน ตี, อึณ ปี ดอ แฮะ อึณปูน อึม โจว บาน อาโนว ตึอน. โอว แฮะ ดืง แฮะ กาแซณ ต็อห, วาย นี อึม อาว ฮู อึณปูน กาดาย ปอ อู เฌณ. ปาย ตี โอว ปี วี ดืง กาแซณ ต็อห, โอว อาว ฮู ปีรู ปีจาว ดี เบ. โอว อาว ฮู มาโนว กาเซา เบ.

โอว ดี ดึห แซณ ดีปูน เบลห ดี โฮว จา เบ. โอว ดี ดึห แซณ เรณ ว็อง โบง แบน มาโลห เบ. โอว ดี ดึห บอ แซณ แบน โมยว แบน โมยว อี บอด โบง แตห อึณ แบน แรง มืง.