Popular Bible Verses from อาอีซายัะ 46

Share

ซีณ ดอ โฆว อัน ดอ มึอน, โอว แฮะ ฮอต กาลาง อูน ลอง อี ดี โบว แบน. ซีณ อาต นี แฮะ เหลณ กาเซา โอว แฮะ ฮอต กาลาง อูน, อึณ ดี แบน ปาย เหมา. โฆรห ปี กาลาง อูน โอว บอ แปะ แฮะ คราม โอว, โอว ดี โบง. โอว ดี บอ โบง แคะ ปี อึง โอว, แตห อึณ กอ เฌะฌูง. โอว ดี แดะ มาฆลาง อี กอย นา เลห ซีแง ตัห. โอว ดี บอ แดะ ดูอี อู วี อี กอย แคง มืง โต็ง. อัน ดี บอ ตัห อู เฌณ, ตัห โบง แปะ แฮะ ต็อห โอว ดี โบง. โอว ดี โบง แคะ แฮะ คราม โอว ดี โบง, แตห อึณ กอ ฮอต โตต.

โอว อี มูห เฌาพรา ปี กรึบ เบ, โอว ดี ลึมลา เบ แตห กอ ฌัม ปัน กัด เบ, แตห ฮึก ฆีณ เบ กอ ลูย. โอว อี พาน เบลห เบ. โอว อี ลึมลา เบ. โอว อี จอย เบ บอ คยอด เบ.

แตห เบ วี โหลห ลอง อี แฮะ ดึอม โบว แบน อู ซีณ ดอ มึอน ตึอน. แตห อึณ บอ กาหลูห ดี น็อห เบ, อึณ มึห มี โอว อู กาดัง อี มูห เฌาพรา. แดง โอว นี, อาว มึห เฌาพรา ปอ อู กาดัง.

เฌาพรา ปี วี ต็อห, “อึย เบ ครึร อาโกบ, แตห เบ โทม โฆรห โอว. เบ ดูอี ปี อึบ โอว อี ซี ฆีด ซี กอย แคง มืง บรีม เบ, โอว แฮะ แตห เบ ฆึอด ตัห. โอว มืร แฮะ ลึมลา เบ ซีณ ดอ ฆึอด เบ.