Popular Bible Verses from อาอีซายัะ 45

Share

โอว ดี วี ดึห โกรวกราม อี กอย แคง อับ ว็อง บอ โกรว อี มึห ดีง็อห ดีคัน แปะ แฮะ เครียง อูน อี, วี ดัว ดี แม. ปาย ตี แม ดี บอ นับ โอว มูห เฌาพรา อี มูห เฌาพรา ปี กรึบ ดูอี อีซาเรลัะ บอ เฌาพรา อี แฮะ แดะ จืร แม.

“โอว ดี แยต ดี อาต แม. แคะ กอย นอน อี ตาง, โอว ดี แตห อึณ ฆลัง. บอ มาโลห บ็อง, โอว ดี กาบัก แวน. โอว ดี แดบ แวน บอ มาโลห ฮีน.

มี โอว อู กาดัง นี มูห เฌาพรา. แดง โอว อาว มึห เฌาพรา ปอ อู กาดัง. แม ปี ซัะ นับ โอว มืร, โอว ดี แตห แม มึห โปลม เฆ แฮณ แคะ ปี โลว แม. โอว โบง ปาย ตี แตห เฆ ดูอี นับ, แดง โอว อู กาดัง นี, อาว มึห เฌาพรา ปอ อู กาดัง. เฆ อี กอย โดง ซืด กาดาย จูห อู บลาก กอ วี ฌัม โดง ซืด ปอ อู บลาก, แตห เฆ นับ, อึณ มึห มี โอว อู กาดัง นี อี มูห เฌาพรา.

โอว บอ มูห อี โบง แตห อึณ มึห บลาง บอ อับ ว็อง. โอว บอ โบง แตห อี โบยว ดาคึย, บอ โบง แตห อี คัม อาเพ อาเร. ฌึร ตี ดอน โมยว, อึณ บอ มูห โอว เฌาพรา อี โบง.

อึย เบ ดูอี อี กอย โดง ซืด กาดาย, แตห เบ วี ตัห เครียะ โอว, แตห โอว ปึอน ดี คยอด เบ. โคว, โอว มูห เฌาพรา อู กาดัง, อาว มึห ปอ อู กาดัง.

เฌาพรา วี กาลาง ดี คูนดีคัม อาซายรัด อี มูห ดูอี ปี ร็อห ปี ตึย อัน. อัน ต็อห ดี จอย คูนดีคัม ตี, แตห อึณ ปี เฌาพรา ปา แด อัน, แตห อัน กาโฆห แป ดา ซึก ดอน โมยว, แตห อัน บลัวะ แวน บอ เฆ คูนดีคัม แบน กาดัง แบน กาดัง, แกวะ แตห เฆ ซี มึห ปวน. เฌาพรา มืร ดี วึห มาโลห มืง, แตห คูนดีคัม อาซายรัด ปึอน ดี ลึบ, แกวะ แตห เฆ วี กาบีด. เฌาพรา บอ ต็อห

โอว แฮะ ดัว กาดีก ซัดฌา, โอว มืร ตู บยอง ตู กาปลูะ โฆรห ตี ดอ เหมา. โคว, อึณ แฮะ หมาน อาคาคัร. โอว มืร แฮะ ฮอต ดืง ต็อห, ดูอี ดอน อี ดี ตัห ครึบเครา ดี อาต โอว. บอ ดอน อี ดี โลว คัม ดี กาลาง ลอง มูห โอว เฌาพรา.

โอว แฮะ แดะ แม โกบ ร็อก โอว ดูอี อาโมยว อาโกบ อี มูห แดเจณ โอว บอ ดูอี อีซาเรลัะ แปะ แฮะ ร็อห โอว. แม ปี ซัะ นับ โอว มืร, โอว ยี ดี แดะ จืร แม, โบง แตห แม มึห ซาเร.