Popular Bible Verses from อาอีซายัะ 41

Share

เบ แกวะ โยว. โอว กอย รึม โดบ เบ. แกวะ กาปึณ. โคว, โอว มูห เฌาพรา ปี กรึบ เบ. โอว ดี แตห เบ มึห โปลม มึห แฮณ. โอว ดี จอย เบ, แตห อึณ ปี โอว ปา เบ ตา แด โอว บลาก อาอัห, แตห อึณ โดบ น็อห ซืร น็อห หมาน โอว.

โอว มูห เฌาพรา อี มูห เฌาพรา ปี กรึบ เบ. โอว ดี ปา แด อาอัห เบ. โอว แฮะ ต็อห, ‘เบ แกวะ โยว, โอว ดี จอย เบ.’

บัร เบ ยอด เฆ อี ปีรู ปีจาว ดี เบ ตึอน, เฆ ดี วี ซาย อี บอ ชึม ซาเร. เฆ ตู ปาย มาเซ. เฆ อี กาแทณ ดี เบ, เฆ ดี วี ลึร ชึม โตต.

โอว แฮะ ดึห ตัห เบ โดง ซืด กาดาย. โอว แฮะ แดะ ตัห เบ ดี กาโตะ กาดาย อี โต็ง กาเซา. โอว แฮะ ต็อห, ‘เบ มูห แดเจณ โอว. โอว แฮะ ร็อห เบ. โอว มืร ตู แวน เบ.’

เบ ปี บอ วี เหรต เฆ มืร, เบ ฮู ยึร เฆ ดอ เหมา. เฆ อี กาโฆห กาแทณ ดี เบ ตี, เฆ ตู แป ดี โบง มาเซ, อาว มึห ดีโคว มาเซ.

โอว แฮะ ต็อห, ‘อึย เบ ดูอี อาโมยว อาโกบ อี ปี วัะเรีย, บอ เบ ดูอี อาโมยว อีซาเรลัะ, แกวะ แตห เบ โยว, โอว มูห เฌาพรา ปี กรึบ เบ อี ซีงา บอด อี ดี ทูด เลห เบ แคง ดูก.

อึณ ยี มูห เบ ดูอี อาโมยว อีซาเรลัะ อี มูห แดเจณ โอว, เบ หลูกหลาน อาโกบ อี มูห ดูอี ปี ร็อห โอว, บอ เบ แคง ครึร อาบราฮัม อี มูห ฆึก โอว

โอว ดี แตห อึม แบลง แหล เลห ดี กาแต นอน. โดบ ดีลัยะ อึณ ดี บอ มึห อึม โตห. แคง แปร กาฮ็อห โอว ดี โบง แตห อึณ วี แบน อึม ดึง. โดง กาดาย เฮณ ดี วี มึห อึม โตห.

เซ ดูอี ฆีน ดูอี พลาน ซี เดียง อึม, ยี ตู มึห ดี เดียง, แมง เฆ มืร แฮะ เฮณ กาฮ็อห, ดอ อัน ตี โอว เฌาพรา ดี บอ โทม โฆรห เฆ. โอว อี มูห เฌาพรา ปี กรึบ เฆ ดูอี อีซาเรลัะ, โอว มืร ตู แวน เบ.

อาเซ แฮะ โบง แตห อึณ โบว แบน ปาย ตี? อาเซ แฮะ แดะ เฆ ดูอี แบน โจว แบน โจว ตัห ดี อัน ซีณ ดอ โฆว อัน? โอว เฌาพรา แฮะ กอย ดี ตี ซีณ ดอ โฆว อัน. โอว ปี ดี วี กอย ดี ตี, แตห อึณ กอ ฌัม ปัน ดี กาแดะ ซืด.

โอว ดี แตห เฮ แบน โมยว แบน โมยว วี ลัต. บอ มูห เฮ อารีด เฆ เฮ กาทีน, เฮ มูราตู บอ เฮ นามัน, เฆ ดี วี ลัต แคง แปร กาฮ็อห. แคง ฆลัง อึณ ดี วี ลัต เฮ อึณเก เฆ เฮ ทาทีรา บอ เฮ ทาซูรา. เฆ ดูอี กืน ฮี ยึร ลอง อัน ตี, เฆ ดี บอ นับ โอว มูห เฌาพรา อี แฮะ โบง ลอง อัน ตี. เฆ ดี บอ วี กาดัวะ กาพา, วี โหลห เฌาพรา อี ซีงา บอด, เฌาพรา ปี กรึบ เฆ ดูอี อีซาเรลัะ อี แฮะ พาน เบลห อัน ตี.’”