Popular Bible Verses from อาอีซายัะ 35

Share

ดูอี แปะ แฮะ คยอด เฌาพรา เฆ ตี, เฆ ดี บอ เวณ ฌัม มืง เยรูซาแลม. เฆ ดี บอ ต็อห โหมว ดาคึย. น็อห เฆ ดี โบยว ดาคึย เซเซ. เฆ มืร แฮะ ลอด คัม ดูก หณาบ ดี น็อห. เฆ ตู โลว วี กลึร วี เหงา ดอ เหมา.

แตห เบ จอย เฆ ดูอี อี แฮะ ดีหลัห, แตห เฆ วี มึห แฮณ. บอ แด ดูอี อี ตู มึห โปลม, แตห เบ จอย แตห เฆ วี มัน ซีคยา. บอ เซ กีณโกร็ง แฮะ ดียูห ดีเยณ, แตห เบ จอย, แตห เฆ วี มึห โปลม. เซ อึณ มึห ดูอี อี มึห น็อห โยว, แตห เบ ต็อห ดี เฆ, “แกวะ โยว, แตห เบ มึห น็อห ตาง. เฌาพรา ดี ตัห คยอด เบ บอ ดัม หมาบ ดี รันซู เบ.”

โดง ตี ดี บอ มึห อึณเตณ ตาง อี จืร อึณเตณ ซีงา บอด. วี อี ตู ซีงา ตู ปึอน ฮาว โดบ อึณเตณ ตี. อึณ ปี บอ มูห ดูอี รึร, เฆ ตู กาลึบ, เซ เฆ โดบ อึณเตณ ตี.

แฮะ ฮอต ปาย ตี เฆ ดูอี งาย อับ ดี วี ปึอน ยึร. เฆ ดูอี โหยะ กาอาว ดี วี ปึอน โทม ซีคยา.

เฆ ดูอี เจณ ชอย ดี บอ วี ปึอน ยีต แดน ยีต ฆา ปี มาฌัะ. เฆ ดูอี อี ตู นับ ดี กาลาง โฆรห, เฆ ดี วี ปึอน ต็อห โหมว โกบ แฮะ โบยว ดาคึย ดี น็อห เฆ. บอ แบลง อึม ดี บอ แหล ฮาว แคง แปร กาฮ็อห.