Popular Bible Verses from อาอีซายัะ 12

Share

แม เฌาพรา แม มูห เฌาพรา อี ดี คยอด โอว. โอว มืร หณึม บึง แม. โอว มืร ตู โลว โยว มาเซ. แม เฌา มืร ดัว โปลม เฆ แฮณ ดี โอว. โอว ดี บอ ปึอน ต็อห โหมว ลอง แม. แม บอ มูห เฌาพรา อี ดี คยอด โอว.”

น็อห เบ ดี ดาคึย ปาย ตี ปัน ดี คยอด เฌาพรา อาซาก เบ. อึณ ดี ปี ดูอี แฮะ ดาคึย โกบ ปึอน อัน ดี ต็อะ อึม แคง อึม คึม อี มึห อึม กืน.

แตห เอ ต็อห โหมว อี อืบ อัน เฌา โกบ แฮะ โบง อัน อี หมึอม อาม กาเซา อี บยัะ อาพูง ดังโคว อัน อี ตาง กาเซา. แตห เอ กาลาง, แตห ดูอี บอ กาดาย นับ ลอง อัน ตี.

ซีแง ตี เบ ดี บอ ต็อห, “แตห เอ อืบ เฌาพรา บอ ดัด แดะ อัน เฌา. แตห เอ กาลาง ดี ดูอี แบน โมยว แบน โมยว ลอง แปะ แฮะ โบง อัน เฌา ดี เอ. แตห เอ กาลาง ลอง อัน ตี, แตห ดอน อี อืบ มยูก อัน เฌา.

ดอ อัน ตี เบ ดี บอ ต็อห โหมว อี อืบ เฌาพรา. เบ ดี บอ ต็อห, “อึย แม เฌาพรา, โอว ดี ดาง ฆูง เฆฌู ดี แม เฌา. แม ปี บอ แฮะ รู แฮะ เบลห แวน เย มืร, แม ยี แฮะ วี ปี กรึอม น็อห เย.

เบ ดูอี อี กอย แคง มืง ฌีโอน ดอน อี, แตห เบ ต็อห โหมว ตาง ตาง. โคว, เฌาพรา ปี กรึบ เบ ดูอี อีซาเรลัะ อี ซีงา บอด กาเซา, อัน กอย กาแต เบ.”