Popular Bible Verses from อาอีซายัะ 11

Share

น็อห พึอม เฌาพรา ดี บอ แตห อัน มึห อางยาน บอด, แตห อัน นับ ปี ปาย แบน โมยว แบน โมยว, มึห บอ อากยาม อางยาน บอ โปลม เฆ แฮณ. อัน ดี บอ อึบ เฆ ดูอี อัน บอกาเฆลียด. อัน ดี บอ นับ บอ โรวเซ เฌาพรา. อัน ดี บอ โบยว ดาคึย ดี โรวเซ เฌาพรา. อัน ตู ซูงพยาด โดบ แปะ แฮะ ยึร อัน. อัน มืร ตู แตห ดัม โดบ ปี โทม อัน.

ครึร อาเยเซ แฮะ ปี เฮ ตาง ปี ฆัร แวน อี. อึณ ยี ดี วี มึห ดูอี อู วี อี ปี อึณโลห กามาย อี วี เลห ดี ดัง บรีม อัน ตี. อัน บอ ปี รา กามาย อี เลห แคง เรียห เฮ ตี ดี วี มึห เบล.

อัน ดี ซูงพยาด ดารา ดี เฆ ดูอี ฆีน, แตห อึณ การัม. อัน บอ ฆ็อง แร เฆ อี ตู มึห โปลม เฆ แฮณ อี กอย แดง กาดาย. โฆรห อี ดัม หมาบ ดี เฆ ดูอี, อึณ ดี ปี อัน ตา อึณกรวน อัน, มัห เฆ ดูอี แดง กาดาย. เฆ ดูอี ฮาย ดูอี มืก ดี บอ โลว ยัม โกบ อามีง ปี ดัว อัน.

อัน ดี บอ มึห น็อห ซืร น็อห หมาน เซเซ ปี ดูอี อี แฮะ รีด แซะ ดี ณอย อัน. อัน ดี บอ โบง นา มูห นา หมาน เซเซ ปี ดูอี อี รีด ซีบรอด ดี ณอย อัน เซเซ.

ดี นอน ฌีโอน อี มูห นอน ซีงา บอด โดง กอย เฌาพรา, อาว ฮู มึห อาเพ อาเร, อาว มึห อี ฮาย อี มืก ดอ เหมา. แดง กาดาย นี ดอน โปละ เฆ ดูอี บอกาเฆลียด ดี บอ นับ ลอง เฌาพรา. อึณ ดี บอ ปี นัมมูกซารา แฮะ มึห มี อึม ดอน นา ดอน โปละ.

มาโซว แปร เฆ มาบู ดีแตด ดี บอ ปึอน ดี กอย รึม กอย ดาคึย. มาดีวาย เฆ ฆอน มาแป ดี บอ ปึอน กอย รึม อีด รึม. บอ ฆอน มัก เฆ ฆอน มาครังซี ดี บอ กาโดบ เหรต ดี โฮม เปต. เฆ ฆอน ดีแตด ดี บอ แบน อี เฮียง เฆ.

ดอ อัน ตี ดูอี อี ดี โบว ตัห แคง ครึร อาเยเซ, อี ปี รา กามาย อี เลห แคง เรียห เฮ ตึอน, อัน ดี กอย ปี อาลาม ปี ปึอน ยึร ดอน อี. เฆ ดูอี แบน โมยว แบน โมยว ดี บอ เหรต อัน. โดง กอย อัน ดี บอ มึห อาพูง ดังโคว ตาง.