Popular Bible Verses from ฮบ 6

Share

ปี หน็อะ อึณด็อะ เอ ตี, อึณ ปี ฮีน รึร ซังโพว ปี บยัว โลง อี แคง อึม, แตห อึณ กอย ซีคยา. อึณ แตห น็อห เอ หณึม ซีคยา. ปี หน็อะ อึณด็อะ เอ ตี, อึณ แตห เอ มึห น็อห มัน ซีคยา อึณ บอ แตห เอ กอย รึม โดบ เฌาพรา. อึณ ปี เอ ปึอน ดี ลึบ แคง โฮว เฌาพรา แคง โฮง อี มูห โดง บอด หลึอม โตต อี กอย นา แคง บีก ฆ็อง ตึอน.

โคว, เฌาพรา ตู โบง อี ตู มูห ตู หมาน. อัน มืร ตู ปีว แปะ แฮะ โบง เบ. เบ แฮะ บยัะ แคะ ร็อก เบ เฌาพรา ดอ แฮะ จอย แฮะ ยอด แมน เบ ดี ดูอี อี หณึม เฌาพรา. บอ ดอ ตี นี, เบ บอ โบง ฮาว ปาย ตี.

เฌาพรา อี ตู นับ ดี กาโลว ดอ เหมา, อัน แฮะ ดัว กาดีก ซัดฌา บอ โฆรห ปี ดืง อัน ตี. อา โมยว ตี, อึณ ตู บยอง ดอ เหมา, แตห เอ ปึอน ดี บึง อัน เฌา. อึณ ปี เอ แฮะ กาแบลบ ฮาว โดง กอย เฌาพรา แตห เอ ดึห ปี ดี หน็อะ อึณด็อะ นา อาต นี ฮาว. กาดีก ซัดฌา ปี ดัว เฌาพรา บอ โฆรห ปี ดืง อัน ตี, อึณ ดี แตห เอ มึห น็อห ตาง บอ ปึอน ดี บึง ซีคยา อัน เฌา.

เซ อึณ ปาย ตี, แกวะ แตห เอ วี จูห ดี ดัง ปี มาโนว ลอง เฌา เยซู. แตห เอ วี เฮน ปี โลว เฮน ดูอี อี แฮะ หณึม ซีคยา อี ปี ดูอี ตาง. อาว โลว วี เฮน ลอง แวน ปี โบง ดอน โมยว อี ตู แบน อาฆยึร มาเซ, บอ ลอง หณึม เอ เฌาพรา, บอ ลอง โลว จึบ แคง อึม บอ ดาง แด แดง ฆีณ ดูอี, แตห อึณ ม็องการา ดัว ดี เฆ. อาว โลว วี จูห ดี มาโนว บอ ลอง เฆ อี แฮะ ยัม ดี วี ยีต วี อีม, บอ ลอง ดี ดัม เฌาพรา หมาบ ดี อี ปี โลว คัม เฆ เซเซ.