Popular Bible Verses from ฮบ 5

Share

เฆ ดูอี ตาง ยี ปึอน ดี โฮม ปี ดี โฮม อี โปลม. เฆ แฮะ นับ ดี กาดัวะ กาพา ซีคยา โกบ ตู กราน เฆ ดี เฌณฌา. โคว, เฆ บอ นับ ดี กาย็อห อี หมึอม อี ตู หมึอม.

โบ็ง หมาน อัน, เบ แฮะ กาดาน แบน ซารา อี มาโนว อี เฮา โกบ แฮะ หณึม เหลณ เบ. เบ ยี วี โลว คัม อี เฮา มาโนว เบ, แตห เบ วี เฮน จูห ซีณ ดี ดัง อัน ลอง โฆรห เฌาพรา. อึณ ปี เบ ซี โลว เดียง อึม ปู ปี ฆอน งัะ. เบ หณัม ปึอน โฮม ปี ดี โฮม อี โปลม. วี อี ซี เดียง อึม ปู ตี, อัน ซี ปี ฆอน งัะ, อัน หณัม นับ ซีคยา ลอง น็อห ซืร น็อห หมาน ปี ดัว เฌาพรา ดี อัน.

อัน ปี บอ แฮะ มูห ฆอน เฌาพรา มืร, อัน ยี โลว คัม ดูก แบน โมยว แบน โมยว, แตห อัน เฮน ดี โทม โฆรห เฌาพรา. วาย แฮะ คัม เฌา เยซู ดี โบง เฌะฌูง โตต ดอน โมยว, อัน มืร ปึอน ดี คยอด เฆ ดูอี อี โทม โฆรห อัน, ตู แตห เฆ วี ชึม ดอ เหมา.

ดอ กอย เฌา เยซู แดง กาดาย นี, อัน แฮะ ดึอม ยาม บอ ดัด ตาง, ซาคึร หมาณ ดี เฌาพรา อี นับ ดี แตห อัน ลอด ยัม. โกบ มึห อัน น็อห โฆม บอ โรวเซ เฌาพรา, เฌาพรา มืร แฮะ โทม โฆรห ปี ซาคึร อัน.