Popular Bible Verses from ฮบ 10

Share

ดอ ตัห กาฌูะ เฆ ดูอี อี หณึม เฌา เยซู, อึณ มึห มัง อี อี ตู ตัห. แกวะ แตห เอ โบง ปาย ตี. แตห เอ ออน ดี ลาย กาลาง แตห อึณ แบน โปลม แบน แฮณ ดี น็อห. แตห เอ แว กาลาง ลอง อัน ตี โกบ แฮะ นับ เอ, ซีแง ดี ตัห เฌาพรา แฮะ กาตัด ดี ฌัม.

แตห เอ กาดัวะ กาพา, เหมา เอ ดี ปาย ดี ลาย กาซูห, แตห เอ ลาย ร็อก บอ โบง นา บอด นา หมึอม.

แกวะ แตห เอ มึห น็อห กาลีง กาแล, แตห น็อห เอ มัน ซีคยา ลอง ปี หน็อะ อึณด็อะ เอ ปี กาลาง เอ ดี อี เฮา. โคว, อัน เฌา อี แฮะ ดัว กาดีก ซัดฌา, อัน ดี โบง แคะ ปี กาลาง อัน เซเซ.

เบ โลว มึห น็อห อี คัม ดี ยืน เหลณ, แตห เบ ปึอน ดี โบง โดบ ปี อึง เฌาพรา. เซ เบ แฮะ ฮอต โบง ฌึร ตี ดอน โมยว, เบ ดี บอ ปึอน แปะ แฮะ กาแซณ เฌาพรา ดี ดัว ดี เบ.

โคว อัน ตี แตห เอ ตัห กอย กาดึก กาด็อะ ดี เฌาพรา. โกบ มึห เอ น็อห ซืร บอ น็อห หณึม ซีคยา, โกบ มึห เอ บอ น็อห ฮู โหลห หมาบ บอ โกบ มึห เอ โดว โบ็ง อี ปี แฮะ บาย แคง อึม อี ซีงา, เอ ปึอน ดี กอย กาดึก กาด็อะ ดี เฌาพรา.

โกบ อึณ ปาย ตี, แกวะ แตห เบ แวน น็อห ยัะ เบ, อี ดี แตห เบ ปึอน อาฆยึร อี กืน กาเซา.

เซ เอ แฮะ ฮอต มึห อางยาน อี แตห เอ นับ นา มูห นา หมาน, เซ เอ ยี วี โบง ฮาว หมาบ ปี บรีม, อาว ฮู มึห ปี ดี หลู อี ดี ปึอน ฆ็อห แวน หมาบ ปอ อู เฌณ. ดูอี ฌึร ตี, อึณ ฆีด บัร มี ปัน ดี ดัม เฌาพรา หมาบ อี หมึอม โยว กาเซา ดี อัน. อัน บัร มี ปัน ดี กาซึม เงา ดี เฆ อี กาบัห ดี เฌาพรา.