Popular Bible Verses from อพ 2

Share

เอ ตู ปึอน ปีคึก น็อห เอ. โคว, เอ มูห ปี โบง เฌาพรา. ดอ หณึม เอ เฌา เยซู, เฌาพรา แฮะ โบง แตห เอ แบน ดูอี อี นับ ดี โบง นา หมึอม แบน โมยว แบน โมยว. นา หมึอม ปี ดี โลว โบง เอ ดอน อี ตี, เฌาพรา แฮะ ฮอต อึณปราย อูน, แตห เอ ปึอน ดี โบง โดบ แคะ ตี.

โคว, อึณ มูห ปี เฆฌู เฌาพรา อี แฮะ คยอด เบ ดอ หณึม เบ เฌา เยซู. อาว มูห อาฆยึร ปี โบง เบ อี แฮะ คยอด เบ. อึณ ปี เฌาพรา แฮะ ดัว ลักซอง ดี เบ. ปี โบง เบ ดอน โมยว ปี ทาง เบ แฮะ มึห อาฆยึร, อึณ ตู แป ดี คยอด เบ. โคว อัน ตี อาว มึห อาเซ อี ปึอน ปีคึก น็อห อัน.

โกบ มึห เอ หมาบ กืน, เอ ปี ดูอี อี ตู มึห อาซาก, อี แฮะ ฮอต ยัม. อึณ ยี มูห เฌาพรา, โกบ แฮะ ร็อก กาเซา อัน ดี เอ, อึณ วี แตห อัน กาเว กาเซา เอ. โคว, อัน แฮะ โบง แตห น็อห พึอม เอ วี ยีต วี อีม วาย แฮะ ฮอต ยัม เอ, แตห เอ ปี เฌา เยซู อี แฮะ คยอด เอ, อี แฮะ วี ยีต วี อีม. (อึณ มูห น็อห เฆฌู เฌาพรา อี คยอด เบ. อาว มูห อาฆยึร ปี โบง เบ.)

โกบ หณึม เอ เฌา เยซู, เฌาพรา แฮะ แตห น็อห พึอม เอ มึห อาซาก, แตห อึณ ปี เฌา เยซู มึห อาซาก วาย แฮะ ฮอต ยัม อัน. เฌาพรา มืร วี แตห เอ อึบ กาดาย บอ กอย รึม โดบ เฌา เยซู แคง ฆางหราว.

โคว อัน ตี เบ อาว ฮู ปี แคต อี ตัห มืง เฮา, วี ตัห กอย แคง มืง เฌาพรา, อี ตู มึห อาควาง มาเซ. เบ แฮะ แบน ดูอี อี ปึอน กอย แคง มืง เฌาพรา, ปี เฆ ดูอี อี หณึม เฌา เยซู ดอน อี. เบ มืร แฮะ ลึบ แคง อึณโฮม เฌาพรา, แบน ฆอน อัน. ปาย ตี, เอ ดูอี อี หณึม เฌา เยซู, เอ ปี กาง อู กาตูะ. เฆ ดูอี อี บยาน โฆรห เฌาพรา บอ เฆ ดูอี ปี ร็อห ปี ตึย เฌา เยซู, เฆ ปี ร็อง กาง. ปี มาโนว เฆ ดูอี ตี แตห เอ หณึม ซีคยา. เฌา เยซู ยี ปี เจณ ร็อง.