Popular Bible Verses from ดารา 11

Share

แตห เบ วี มาโนว ดารา ตี บอ ดี หลูกหลาน เบ. เบ บอ กอย แคง กาง, เบ บอ ฮาว โดบ อึณเตณ, เบ บอ ดีเหลา บอ ยีต, แตห เบ ลาย กามวน ลาย แค ลอง ดารา ตี.

เบ โลว ดึห โฆรห ปี กาลาง โอว นี, แตห อึณ ลึบ แคง น็อห แคง พึอม เบ. เบ บอ โลว ดึห ดารา ตี, ปัก ดี แด เบ บอ ดี กาต็อห เบ, แตห อึณ แบน อี ดัว ซาดีก ดี เบ.

ปาย ตี แตห เบ โทม ซีคยา ดารา ปี กาลาง โอว ดี เบ อาตึร นี, แตห เบ แตห บอ น็อห บอ พึอม เบ บอ โตต ร็อก เฌาพรา ปี กรึบ เบ บอ โบง โดบ ปี กาลาง อัน ดี เบ. เซ เบ โบง ปาย ตี เฌาพรา มืร ดี แตห ฆลาย โจห ดอ มูห อาคราว อัน. บอ ฆลาย อาคราว ดียาง บอ ฆลาย อาคราว ดีเรา, แตห เบ บอ ปึอน ดี แฆบ อูน โหงว เบ, บอ เบล มางูน บอ เบล นามัน เบ.

อาโมวแซ วี ต็อห, “แตห เบ ร็อก เฌาพรา ปี กรึบ เบ บอ โบง โดบ เซเซ ดารา อัน ดอน ณ็อง แคะ ปี ดัม อัน ดี เบ, แคะ ปี กาลาง อูน อัน บอ ปี จัร อัน เบ โบง.

อาตึร นี โอว แฮะ กาลาง บอ ลอง ปี ม็องการา บอ ลอง ปี ดี ดืง เฌาพรา ดี เบ. เซ เบ บอ โบง โดบ ดารา เฌาพรา อี มูห เฌาพรา ปี กรึบ เบ, โบง แคะ ปี ดัม อูน โอว ดี เบ อาตึร นี, เบ ดี ปึอน ม็องการา ปี กาแซณ เฌาพรา ดี ดัว. เซ เบ ยี ตู โทม ดารา อัน, วี วัห อึณเตณ อัน, วี ฮาว กรึบ เฌา ปอ กาดัง ปี ตู ดึอม กรึบ เบ, เบ ยี โลว คัม กาซัม ดืง.

แตห เบ แดม ดารา ตี, ดึก ดี ร็อง มาโลห กาง เบ บอ ดี ร็อง บาง มาโลห แวง เบ. เซ เบ โบง ปาย ตี บอ โจว เบ บอ โจว ฆอน โจว หลาน เบ, เบ ดี บอ มึห อาซาก โต็ง บอ ปึอน กอย แคง มืง ปี กาแซณ เฌาพรา ดี ดัว ดี ฆูณ ดัง เบ. อึณ ดี บอ เหลณ แคะ กอย เบลณ อี ปลึก กาดาย.

แตห เบ ซาดีก, แกวะ แตห อี เฮา กาซูห เบ ฮาว มูด กรึบ เฌา ปอ กาดัง.