Popular Bible Verses from 2 คูนดีคัม 6

Share

อาเอลีซา บอ ซาคึร ดี เฌาพรา ต็อห, “อึย แม เฌาพรา, หมาณ แตห แดเจณ โอว นี ปึอน ดี ยึร.” เฌาพรา บอ โบง แตห แดเจณ อัน ยึร. อัน บอ ยอด, อึณ มึห มังปร็อง เฆ ลักเลา อี ปี เงา, แฮะ กอย โรบ เฆ, กอ โนะ แดง นอน ดอน โปละ.

ดูอี ปี ตึย เฌาพรา วี ต็อห, “อาว โลว โยว. เฆ อี กอย รึม โดบ เอ, อึณ ซี กืน หลึอม เฆ.”

บอ ฌัม ปา แคหณา ซีณวัห แดเจณ ดูอี ปี ตึย เฌาพรา บอ ยีต, เลห นา เรต. อัน บอ ยึร ดา ซึก เฆ ตึอน แฮะ ป็อะ มังปร็อง, ป็อะ ลักเลา, ตัห โรบ มืง ตี, อัน บอ วี เวณ กาลาง ดี ดา ซารา อัน ต็อห, “อาลึร, ดา ซารา อึย, เหมา เอ ดี ปาย ดอ ตี นี?”

ปาย ตี ดูอี อาราม เฆ บอ โลง โดง กอย อาเอลีซา. อาเอลีซา บอ ซาคึร ดี เฌาพรา ต็อห, “หมาณ, แตห แม แตห งาย เฆ อับ.” เฌาพรา บอ แตห งาย เฆ อับ ดอน อี. อึณ บอ แบน แคะ ปี ซาคึร อาเอลีซา.

ดูอี ปี ตึย เฌาพรา วี ดีหมอด อัน ต็อห, “อึณ โจห ดี เหมา?” ดูอี วี ตึอน บอ แหน ดี อัน โดง โจห. อัน วี แดบ เฮ อู ปอด, วี บยัว โลง ดี ตี. บลา มึย ตี บอ นับ ดี วี บรึย โฮะ.

ดอ ฆัร เฆ เฮ ตี, อึณ มึห อู วี, มึย อัน บอ โจห แคง อึม. อัน บอ ดัด ต็อห, “อึย ดา ซารา, โอว แฮะ วาย ตัห โกรว ตี ดี อี เฮา.”

อัน วี ต็อห, “ดึห เลห.” ดูอี วี ตึอน บอ ดึห เลห มึย ตี.