Popular Bible Verses from 2 คูนดีคัม 5

Share

อึณ บอ มึห ดูอี อู วี, อี จืร อาเนมาน. อัน มูห ดา โบว อี อึบ ดา ซึก คูนดีคัม อาราม. อัน มูห อี มึห อาพูง ดังโคว ตาง ปี ดัว ดา กาณา อัน. บอ ดอน อี โรวเซ อัน. โคว, เฌาพรา แฮะ จอย อัน แตห เฆ ดูอี มืง อาราม ตี แป โตต รันซู เฆ. อาเนมาน ตึอน แบน ดา ตาง อี มึห โปลม มึห แฮณ. มาแล, อัน มึห เซา ดูะ.

อาเอลีซา บอ จัร อี เฮา ฮาว ต็อห ดี อัน, “แตห แม ฮาว ตา อึม แคง แบลง ยอดาน อาดา บู จึบ. โดว แม ดี วี แกน. เซา ดูะ แม ดี หราย.”

เฆ แฮะ ฮอต ต็อห ปาย ตี ดี อัน, อัน บอ ลึบ โลง แคง อึม แบลง ยอดาน ตึอน. อัน บอ แตห โดว อัน อึณปรูด แคง อึม ตี อาดา บู เฌณ, แตห อึณ โดบ ปี ต็อห ดูอี บยาน โฆรห เฌาพรา ตึอน. แฮะ ฮอต, ฮูน อัน เฆ ยัง อัน บอ วี แกน, วี ปี ยัง ฆอน งัะ. เซา อัน บอ หราย อู เฌณ.

ปัน ตี อาเนมาน บอ รู บอ เลห ฮาว ต็อห, “โอว ทาง, ดูอี บยาน โฆรห เฌาพรา ดี ตัห กอย กาตัด โอว, ซาคึร ดี เฌาพรา อี มูห เฌาพรา ปี กรึบ อัน, ดึห บอ แด อัน โซ็ง วีว โซ็ง เวณ กาโรย โดง มึห เซา ตี, แตห ดูะ โอว หราย.

แดเจณ อัน เฆ บอ วี กาโพรม ดี ต็อห ดี อัน, “อึย แม ดา กาณา, เซ ดูอี อี บยาน โฆรห เฌาพรา ดี บอ จัร แม โบง โมยว อี อาเร ตาง, แม ดี บอ โบง. โคว, ปี วี ต็อห อัน, ‘แตห แม ตา อึม, แตห แม แกน,’ แฮะ แว หมึอม โบง.”

อัน บอ ต็อห ดี ยา กาณา อัน, “เซ ดา กาณา โอว บอ ปึอน ดี ฮาว โดง กอย ดูอี บยาน โฆรห เฌาพรา แคง มืง ซามารี, ดูอี ตี นับ ดี แตห เซา ดูะ อัน หราย.”