Popular Bible Verses from 1 คูนดีคัม 3

Share

โคว อัน ตี โอว หมาณ, แตห โอว แดเจณ แม นี มึห อางยาน แคง น็อห โอว. แตห โอว นับ ดี ซูงพยาด อามู ดูอี อี มูห ดูอี แปะ แฮะ ร็อห แม. แตห โอว นับ ดี กาย็อห ลอง อี หมึอม บอ อี ตู หมึอม. เซ แม เฌาพรา ตู จอย, อาว มึห อาเซ อี ดี แป ดี อึบ ดูอี กืน เฆ ตี อี มูห ดูอี อาโมยว แม.”

โคว อัน ตี โอว ดี แตห แคะ ปี หมาณ แม ตี. โอว ดี แตห น็อห พึอม อี แฌะฌูง ดี แม, แตห แม หล็อก แหลม, มึห อางยาน บอด. บอ อาต แม บอ วาย แม อาว มึห อี ปี แม คอ อู วี.

เฌาพรา วี ต็อห ดี อัน, “แม แฮะ หมาณ มี แคะ ตี. แม ตู หมาณ แตห อาซาก แม โต็ง, ตู หมาณ โกรวกราม กืน, ตู หมาณ แตห แม แป รันซู แม. แม ยี หมาณ มี อางยาน บอด, แตห แม ปึอน ดี ซูงพยาด นา หมาน.

แดง ตี โอว ดี บอ แตห บอ ปี ตู หมาณ แม. บอ โกรวกราม บอ ซาเร โอว ดี ดัว ดี แม, แกวะ แตห อึณ มึห คูนดีคัม อี ปี แม ดอ มูห โจว แม นี.

เซ แม บอ โบง ปี อึง โอว, โบง โดบ โตต ดารา โอว, แตห อึณ ปี แปะ แฮะ โบง ฆูณ แม อี มูห อาดาวีด ตึอน, โอว ดี บอ แตห อาซาก แม โต็ง.”

ดอ กอย อาซาโลวโมว ดี มืง กีปอง ตึอน, เฌาพรา บอ กาปลูห ดี อัน ดอ อีด อัน แคง หมึร. อัน บอ อีด อึณบาว. เฌาพรา บอ ต็อห ดี อัน, “แตห แม หมาณ ดี โอว แคะ ปี ซี หมาณ แม.”

ดอ ตี นี, แม เฌาพรา, แม มูห เฌาพรา ปี กรึบ โอว. แม เฌา แฮะ แตห โอว ปึอน ดี แบน คูนดีคัม กาดาง ฆูณ โอว อี มูห อาดาวีด. มาแล, โอว ยี ซี มูห ฆอน, โอว โยว โอว ตู แป ดี อึบ ซีคยา.

โฆรห ปี หมาณ อาซาโลวโมว ตึอน อึณ ล็อะ กาเซา น็อห เฌาพรา.

อาซาโลวโมว บอ ต็อห, “แม เฌาพรา แฮะ เฆฌู กืน กาเซา ดี แดเจณ แม อี มูห ฆูณ โอว อาดาวีด โกบ โดบ ซีคยา อัน ดี แม เฌา. อัน มืร มึห น็อห โดบ ดารา บอ น็อห ซืร น็อห หมาน. แม เฌาพรา แฮะ ร็อก กาเว อี มูห ฆูณ โอว, วี ดัว ฆอน อีมาย ดี อัน, แตห อัน ปึอน ดี อึบ มืง กอ ฌัม อาตึร นี.

โอว ยี กอย กาแต ดูอี แปะ แฮะ ร็อห แม เฌา, อี มูห ครึร ดูอี ตาง, อี กืน กาเซา, กอ ฮู นับ ดี ตีห.