Popular Bible Verses from 1 ยฮ 5

Share

ดอ แฮะ กอย ซาคึร เอ ดี อาต เฌาพรา, น็อห ยัะ เอ ดี ลึห ซีคยา. เซ เอ ซาคึร หมาณ บอ มูห โมยว เหมา, เซ อึณ มูห อี ล็อะ น็อห อัน เฌา, อัน มืร ดี โทม โฆรห ปี ซาคึร เอ.

เซ เอ แฮะ นับ, อัน เฌา แฮะ โทม โฆรห ปี ซาคึร ปี หมาณ เอ, เอ มืร แฮะ นับ อัน แฮะ ดัว แคะ ปี ซาคึร ปี หมาณ เอ.

เซ เอ ร็อก เฌาพรา, เอ ดี บอ โบง ปี จัร อัน เอ โบง. ปี จัร เฌาพรา ดี เอ ตี, อาว มูห อี หณาบ โบง. โคว, ฆอน เฌาพรา ดอน อี, เฆ ดี ออง ดอน โมยว อี กอย แดง กาดาย. เฆ แฮะ ออง ดอน โมยว แดง กาดาย นี โกบ มึห เฆ น็อห หณึม.

อาเซ หณึม บึง ฆอน เฌาพรา, อัน แฮะ ปึอน อาซาก กามาย. อาเซ ตู หณึม ฆอน เฌาพรา, อัน ตู ปึอน อาซาก กามาย.

โอว แฮะ แดม ลอง อัน ตี ดี เบ อี แฮะ หณึม ฆอน เฌาพรา, แตห เบ นับ, เบ แฮะ ปึอน อาซาก กามาย อี กอย เซเซ.

เอ นับ, เฆ อี แฮะ แบน ฆอน เฌาพรา, เฆ ตู โบง ฮาว หมาบ ปี บรีม. โคว, ฆอน เฌาพรา อู วี ตึอน, อัน ดี ยอด ลึมลา เฆ. โบว กานัม มืร ตู ปึอน ดี ตา ดึร, ตา ปา เฆ.