Popular Bible Verses from SHINGRAN 9

Share

Ndai tsin-yam tsindam hta na lawt lu nna naw ngam nga ai shinggyim masha ni gaw, shanhte galaw ai amu kaw na myit malai n lu ma ai. Shanhte gaw jinat ni hpe mung, myi n mu, na n na lu ai hte n chye hkawm ai, ja, gumhpraw, magri, nlung hte hpun sumla ni hpe nawku ai lam hpe mung n jahkring kau ma ai. Masha sat ai amu hta na mung, mandan lakle amu, num la shut hpyit ai amu hte lagu lagut amu hta na mung, shanhte myit malai n lu ma ai.

Dai wan hkut hta na dinggam-yaw ni pru wa nna ga ntsa de hkrat wa ma ai. Shanhte hpe n-gaw-gawk ni lu ai baw daru atsam jaw da mu ai. Shanhte gaw, ga ntsa na tsingdu hpe mung, tsit lali ai baw magup hpe mung, hpun magup hpe mung, hkra lu na n rai, ngu nna hkang da ai hkrum ma ai. Tinang a lahtan ni hta Karai Kasang a dazik n kap ai masha ni hpe sha zingri lu na ngu nna jep da mu ai.

Bai, manga ngu na lamu kasa gaw, shi a pahtau dum dat wu ai. Shaloi, lamu de nna ga ntsa de shagan langai mi di hkrat wa ai hpe ngai mu nngai. Dai shagan hpe dai sung htum ai shara na nhkun a sumsaw ap ya wu ai.

Dinggam-yaw ni, dai masha ni hpe shata manga zingri zingrat na hta lai nna sat na ahkang n jaw da mu ai. Dai zingri zingrat ai a machyi ai gaw, n-gaw-gawk na ai zawn nga nna machyi nga ai.

Shanhte hta, shanhte a ntsa e up hkang nga ai hkawhkam langai mi lu ma ai; Shi a mying Hebre ga hku Abadon rai nna, Grik ga hku Apolion (de a lachyum gaw, “Jahten sharun ai wa,”) ngu ai rai nga ai.