Popular Bible Verses from HPILIPI 2

Share

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu. Langai hte langai tinang hte seng ai lam hpe sha n rai, masha gale hte seng ai lam hpe mung myit yu nga mu ga.

Hkristu Yesu hta rawng ai myit nan, nanhte hta mung rawng nga myit ga.

Shi gaw galoi mung Karai gawng shingyan hte, nga pra nga timung, Karai Kasang hte maren rai taw nga na, ma ja e magra noi nga na n myit wu ai. De a malai, apyaw alaw sha hte, shi lu malu hpe shagawm kau nna, mayam a gawng shingyan hpe dagraw la let, shinggyim masha zawn shangai wa nna, masha a hpraw nsam hte dan pru wa sai. Shi a myit hpe shagrit shanem kau nna, si ai du hkra madat mara nu ai. Kaja wa wudang hta si ai du hkra madat mara nga ai.

Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.

Dai rai nna, Karai Kasang gaw shi hpe, tsaw htum ai sumsing lamu du hkra shagrau nna, amying shingteng yawng hta grau kaba ai mying ningsang hpe jaw da wu ai. Dai majaw sumsing lamu lahta tang na, dinghta tsang na hte lawu tsang na, hkrung mahkrung yawng hte gaw, Yesu a mying ningsang hpe, shagrau sha-a hkungga jaw let, hput di dingnyawm nna, Kawa Karai Kasang a hpung shingkang a matu mara, Yesu Hkristu gaw Madu rai nga ai nga, shinglet yawng mayawng e yin la hkam la na mara ai.

Nanhte galaw ra ai hpa lam hpe mung aput angun ndang kalang n rai ai sha galaw nga mu. Shing rai yang she nanhte gaw arawn alai hten run nna yubak lu ai ni nga ai ndai mungkan hta mara n kap nna myit masin san seng ai Karai Kasang a kashu kasha majing ni zawn tai wa na myit dai. Shing rai nanhte gaw asak jahkrung ya ai mungga hpe hkaw tsun nga let lamu ting hpe jahtoi ya ai ahtoi hkum ni zawn shanhte a ka-ang e htoi tu nga lu na rai myit dai.

Dai re ai majaw ngai tsaw ra nga ai ni e nanhte hte ngai rau nga ai aten hta nanhte galoi mung nye a ga hpe madat mara myit dai zawn ya mung nanhte hte tsan gang nga ai ten hta nye a ga madat mara na gaw grau nna pyi ra ahkyak nga ai. Dai rai nna nanhte gaw hkye hkrang la ai lam hpe hpring tsup hkra lu la mu ga hkrit gari ai hte shachyen shatsup nga mu.