Popular Bible Verses from HPILIPI 1

Share

Dai re ai majaw nanhte hta ndai mai kaja ai magam bungli hpang da ya ai wa gaw Hkristu Yesu bai yu wa ai nhtoi garai n du yang dai amu hpe ngut hkra shatsup shatup na ra ai ngu nna ngai myit kam nga nngai.

Dai hta kaga nanhte gaw mai kaja ai hpe lata la lu nna, teng man ai machye machyang daw dan ginhka chye ai atsam marai hte hpring let tsaw ra myit hta grau grau kaba wa myit ga, nanhte a matu ngai akyu hpyi nngai. Dai shaloi she nanhte gaw Hkristu bai du sa ai nhtoi hta n san n seng awu asin re ai lam shagu hta na lawt nna mara n rawng ai ni rai na myit dai.

Hpa majaw nga yang, ngai asak hkrung ai gaw Hkristu nan rai nga ai, si wa yang mung amyat rai nga ai.

Nanhte a lam ngai myit dum sumru yu ai ten shagu Karai Kasang a chyeju hpe ngai shakawn nngai.

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

Ngai gaw galoi mung nye a lit hpe n hprai ai sha, aten shagu hta rai ti mung, grau nna ya e rai ti mung, magrau grang ai atsam marai hte hpring tsup let, ngai hkrung ti mung, si ti mung nye a asak hkrung lam ting hta Hkristu a hpung shingkang dan hkung shangun na gaw nye a ra sharawng dik ai lam hte myit mada ai lam rai nga li ai.

Kaning rai nme law, nanhte gaw Hkristu hpe kam sham ai hku nna sha n rai; shi a matu mara nni nkri hkam ai hku nna mung, shi a magam hpe gun hpai na ahkang chyeju jaw ya ai hkrum manit dai.