Popular Bible Verses from MARKU 7

Share

Hpa majaw nga yang, masha a myit kata de nna n kaja ai myit mang ai lam ni pru wa nna, dai gaw shi hpe n hkru n kaja ai arawn alai lam ni hkan sa galaw na, masha arai lagu na, masha sat na, masha num shaw na, nammak lawhpa ai myit rawng na hte kaga n hkru n kaja ai lam amyu myu, masu hkalem ai, n shawp n kap re ai lam, n ju n dawng ai, shatan n hkan ai, gumrawng ai, myit n su ai lam ni hpe galaw shangun nga ai. Ndai n hkru n kaja ai lam ni yawng gaw masha langai mi a kata na pru wa nna shi hpe awu asin di kau da wu ai,” ngu nna tsun mu ai.

Masha a shinggan maga de nna shi a kata de shang wa nhtawm masha hte nawku htung tara hku nna n san n seng awu asin di kau lu ai arai hpa mung n nga ai.”

Yesu gaw, “Nanhte a lam, Esaia myihtoi htoi da ai ga gaw kaja wa teng nga a hka! Nanhte gaw sawt ai masha ni rai nga myit dai. Dai majaw shi gaw: ‘Ndai amyu ni gaw, tinang a nten hte ngai hpe hkungga lara ma ti mung, shanhte a myit masin gaw kaja wa ngai hte tsan gang nga malu ai.

Shanhte ngai hpe nawku ai gaw shanhte a matu kaman lila rai nga ma lu ai, hpa majaw nga yang, shanhte gaw masha e galaw tawn ai tara ni hpe sha Karai Kasang a tara ni re ai zawn htawn sharin shaga nga ma ai!,’ nga nna Karai Kasang tsun ai hpe ka da nga ai.

“Nanhte gaw Karai Kasang a hkang da ai ga hpe kau da nhtawm, masha a ga madat hpe sha hkan nga myit dai,” ngu mu ai.