Popular Bible Verses from ESAIA 17

Share

Dai MADU gaw, “Damasku gaw mare langai hku grin nga lu na ra ai n rai; dai gaw marawng marang ai sumpum sha tai mat na ra ai.

Israela gaw dahpran shara kata byin mat na ra ai, Damasku gaw shi a awng dawm shanglawt ahkaw ahkang sum mat na ra ai. Naw ngam nga ai Suri masha ni gaw Israela amyu masha ni zawn myi man sum mat na mara ai. Chyahtum Chyalai N-gun rawng ai dai MADU Ngai nan tsun ni ai,” ngu nna tsun wu ai.

Dai MADU gaw, “Israela a galu kaba ai gaw htum mat wa nna, shi a sut su ai hpe matsan chyaren re ai hte galai kau hkrum na ra ai nhtoi du sa wa nga ai.

Suri mung na mare ni gaw htani htana katsi katsang shara tai mat na ra ai. Dai mare ni gaw sagu dumsu uhpung ni a udat shara tai mat na ra ai, kadai mung shanhte hpe gawt shapraw kau na n rai.