Popular Bible Verses from TARA JAHPRANG 6

Share

Dai MADU na a Karai Kasang hpe na a myit kraw lawang mahkra hte, na a asak mahkra hte na a n-gun lagaw mahkra hte tsaw ra nga u.

Na a kasha ni hpe dai ga sharin ya u. Nta e nga yang mung, hkawm sa nga yang mung, hkring sa nga yang mung, magam bungli galaw nga yang mung, ga dai hpe atsun nga na rai ndai.

Dai ni ngai nang hpe jaw ya nga ai ndai hkang da ai ga ni hpe galoi mung hkum malap kau et.

“Israela e, ndai ga hpe adum nga mu! Dai MADU anhte a Karai Kasang chyu sha MADU rai nga ai.

Ga dai hpe na a lahpum hta gyit shakap da nna na a kahtan hta shadum ai masat kumla langai zawn hkang da na rai ndai.

Ga dai hpe na a nta chyinghka hkadun ni hte mare chyinghka ni hta ka da lu na rai ndai.

Dai MADU nanhte a Karai Kasang hpe shagrau sha-a nna shi hpe chyu sha nawku nhtawm shi a mying ningsang hta sha nanhte a ga sadi ni hpe tawn da lu na rai myit dai.

“Dai MADU na a Karai Kasang gaw na nji nwa Abraham, Isak hte Yaku ni hpe ga sadi jaw da sai hte maren, nang n de da ai dai sut gan hte hkum ai mare kaba ni nang n tam bang ai gun rai ni hte hpring chyat nga ai nta ni, nang n tawk htu ai hka htung ni, nang n hkai tawn ai sabyi sun, tsanlun sun ni, shi nang hpe jaw na rin dai. Dai MADU nang hpe dai mungdan de woi shang wa nna nang sha mayu ai yawng hkam la lu ai shaloi, mayam tai nga ai Egutu mung kaw na nang hpe hkrang shaw wa ai dai MADU hpe n malap kau myit ga, sadi nga mu.

“Ndai ni gaw nanhte hpe sharin achyin ya na matu, dai MADU nanhte a Karai Kasang ngai hpe hkang da ai tara ni yawng rai nga ai. Nanhte shang madu la hkyen nga ai mungdan hta dai ni hpe hkan sa madat mara lu na rai myit dai. Ngai nanhte hpe jaw ya nga ai mungdan hta nanhte hte nanhte a matu mara ni hkrung nga ai prat dingsa, dai MADU nanhte a Karai Kasang hpe shagrau sha-a lu myit ga, shi hkang da ai tara ni yawng hpe hkan sa madat mara nga mu. Shaloi dai mungdan hta prat dingsa shanu nga lu na rai myit dai.

Dai MADU tsun ai hku galaw ai gaw jaw hkrak ai hte mai kaja nga ai rai nna dai lam yawng nanhte hta ngamu ngamai wa na ra ai. Dai MADU gaw nanhte a kaji kawa ni hpe ga sadi jaw da sai namhpun kaja ai mung hpe nanhte madu la lu na rai myit dai.

Kaga karai shaje ni hpe nanhte nawku myit dai rai yang, nanhte hte rau anga nga ai dai MADU nanhte a Karai Kasang gaw shingjawng kashun ai hpe n hkam sharang lu ai majaw dai MADU a masin kahtet ai gaw wan zawn chyi nna, nanhte hpe atsai awai shamyit kau na rai wu ai.

Kaga karai shaje ni hpe mung, nanhte a grup yin e nga ai masha amyu ni a hpara shaje kaning re ai hpe mung nawku lu na myit dai n rai.

“Masa shara e nanhte galaw myit dai zawn dai MADU nanhte a Karai Kasang hpe chyam dinglik lu na myit dai n rai.