Popular Bible Verses from TARA JAHPRANG 5

Share

“ ‘Ngai MADU nanhte a Karai Kasang nan nanhte hpe jaw ya nga ai mungdan hta asak galu nna ngamu ngamai lu myit ga, ngai nanhte hpe hkang da ni ai hte maren tinang a kanu kawa ni hpe hkungga lara rai nga mu.

Nanhte madu la na mungdan hta tut nawng ashanu nga nna lam magup hta ngamu ngamai wa malit ga; hkang da ai lam yawng mayawng hpe hkan sa madat mara nga myit law.

Kaning san ai hpara sumla hpe mung hkum kadawng hkum naw myit; Ngai gaw dai MADU nanhte a Karai Kasang rai nga nngai majaw shingjawng kashun ai hpe hkam sharang lu na nngai n rai. Dai rai nna ngai hpe n dawng n yawt ai ni hte shanhte a matu mara ni hpe prat ban masum mali du hkra ari jaw na mawe ai. Ngai hpe tsaw ra nna nye a hkang da ai tara ni hpe hkan sa madat mara ai ni hpe chyawm gaw prat ban hkying mun du hkra nye a tsaw ra myit amadun nga na nngai.

“ ‘Sumsing lamu, ginding aga hte ga a npu na hka hta rawng ai baw a hkrang hpa hte mung bung ai sumla ni hpe nanhte a matu hkum galaw hkum shachyaw myit.

“ ‘Ngai hta lai karai shaje hpe hkum nawku myit.

“ ‘Nye a mying ningsang hpe n hkru n shawp ai amu a shatawng shada ai lam hta hkum lang nga myit; hpa majaw nga yang nye a mying ningsang hpe n gawn n sawn di ai wa kadai hpe mung ngai MADU nanhte a Karai Kasang nan ari jaw na we ai.

Shanhte dai zawn tut nawng hkam sha nga ma hka! Ngai hpe tut nawng shagrau sha-a nna nye a hkang da ai ga yawng hpe hkan galaw mu ai rai yang chyawm gaw, shanhte hte shanhte a matu mara ni a lam magup hta htani htana ngamu ngamai wa na rai ma ai.

“ ‘Dai MADU nanhte a Karai Kasang rai nga ai ngai nan nanhte hpe hkang da made ai hte maren Bansa Nhtoi hpe shachyoi shapra na dai hpe hkan galaw nga mu.

“ ‘Kaga masha wa a madu jan hpe mung ra katsit ai myit hkum rawng myit; dai wa a dum nta hte lamu ga hpe mung, mayam ni hpe mung, shi a dumsu hte lawze ni hpe mung shi hte seng ai hpa hpe mung hkum ra marit nga myit,’ ngu nna tsun wu ai.

“ ‘La shaw num shaw amu hkum shut myit.

“ ‘Kadai hpe mung n teng n man ai hku mara hkum shagun myit.

“ ‘Masha sat ai amu hkum shut myit.

“ ‘Masha a arai hkum lagu myit.

Nanhte gaw Egutu mung e mayam tai nga myit dai shaloi, nanhte a Karai Kasang ngai MADU nan nye a galu kaba ai daru magam n-gun hte nanhte hpe hkrang shaw la sai hpe adum nga mu. Dai lam a majaw Bansa Nhtoi hpe hkan shatup nga na ngai nanhte hpe hkang da ni ai.

Nanhte gaw nhtoi kru ya tup magam bungli galaw lu na rai myit dai; rai ti mung sanit ya nhtoi gaw nye a matu ap nawng da ai bansa ai shani rai nga ai; dai shani e, nang hte na a shayi shadang sha ni mung, nanhte a mayam ni mung, yam nga ni mung, nanhte a mung hta shanu nga ai maigan masha kadai mung magam bungli shachyen lu na n rai. Nanhte bansa la lu myit dai hte maren mayam ni mung ban sa la na ra nga ma ai.

‘Ngai gaw nanhte mayam tai nga ai Egutu kaw na hkrang shaw la ai nanhte a MADU Karai Kasang rai nga nngai.