Popular Bible Verses from 1 YAWHAN 5

Share

Karai Kasang gaw shi a myit ra ai hku hte maren anhte hpyi ai hpa hpe rai ti mung madat ya nga ai lam hkrak sha kam lu ga ai rai nna anhte shi a man de nden ja ai hte sit shang lu ga ai.

Anhte shi kaw hpyi ai ten shagu shi madat mara ya nga ai; ndai lam teng nga ai hpe anhte chye ga ai rai nna anhte shi kaw hpyi ai lam hpe mung lu la saga ai anhte chye ga ai.

Hpa majaw nga yang, Karai Kasang a hkang da ai ga ni hpe hkan galaw ai lam gaw shi hpe tsaw ra ai lam rai nga ai. Shi a hkang da ai ga chyawm gaw, anhte a matu yak la nga ai n rai. Hpa majaw nga yang Karai Kasang a kashu kasha shagu gaw dai mungkan ga hpe dang kau lu nga ai. Mungkan ga hpe anhte padang dip lu ai lam gaw anhte a makam masham a majaw rai nga mali ai.

Dai Kasha hpe lu ai wa kadai rai ti mung, dai asak hpe mung lu nu ai; Kasha hpe n lu ai wa kadai rai ti mung, dai asak hpe mung n lu wu ai.

Nanhte gaw htani htana asak lu la manit dai lam hkrak chye lu myit ga, Karai Kasang a Kasha hpe kam sham nga ai nanhte hpang de ngai ndai laika ka dat nngai.

Karai Kasang a kashu kasha rai nga ai wa gaw yubak hpe matut nna n galaw ai hpe anhte chye ga ai, hpa majaw nga yang, shi hpe Karai Kasang a kasha e bau sin nga ai rai nna, dai n hkru ai wa gaw shi hpe n hkra lu wu ai.