Popular Bible Verses from Asi Efese 2

Share

Obila saabe lewaanga le Njyami. Nde mvuuru awaangi saabe mo Jesu Krisi. Mo bu ndi saabe lesa lebihi le eve le esima me eve e kuna, e nde aki amabaana oyeese mo bu ndi saabe lesyaha jo.

Ŋa be lemavuha ŋa mo mpolo e Njyami o ngula oyalihi. Evusihi bya me gwaha ka na be ni, kari omakaaha puha e Njyami. Kari egwaha ka mesima e be ni, ŋa mo odʉma mvuuru omasa ocaba.

Ŋa Njyami na nkerihi e saabe kuna! Obila mo dya enini e nde amadya saabe, ŋa mo ntini e saabe leki mva baari ma amakwa obila o maami a saabe ma abi, nde ompi saabe lebihi le bɨla Krisi. Be lemavuuha ŋa mo mpolo e Njyami.

Me ekiihi saabe bɨla Jesu Krisi, Njyami omanyuusa saabe o mpaniŋi akwi bɨla nde. Mo bu ndi saabe lekuuma bɨla nde o yulu.

Mo vwa, be leya ka anjya si kali baari ma amaya mo oya ni. Be leya osi omo bɨla epeende, be leya nkwono e Njyami. Amalehe be bɨla atwi, ŋa owuunu omakaaha antuma bɨla awobi a mbari e Njyami. Jesu Krisi nde anku omakaaha okaami a njo.