Popular Bible Verses from Kumsada 49

Share

Bingala di rei ka na sai na Judá, nin i ka na falta algin na si jorson ku na rena, te ora ku Siló bin, ku tudu nasons na obdisi.

“José i un arvori ku ta da fruta ciu, lungu di fonti di yagu; si ramu na pasa riba di mura. Inimigus atakal risu ku mansasa, e manda fleŝas, e pirsigil

ma si mansasa fika firmi; si mon fika disimbaransadu pabia di mon di Deus forti di Jakó, ku sedu Gia ku Roca forti di Israel, pabia di Deus di bu pape ku na judau, pabia di kil ku ten tudu puder ku na bensuau ku bensons di seu ku sta riba, ku bensons di fundura ku sta bas, tambi ku bensons di manga di fiju.

“Judá, bu ermons na ngabau; bu mon na sta riba di garganti di bu inimigus; fijus di bu pape na mpina bu dianti. Judá, bu sedu un fiju di lion. Bu bai montia, bu mata, bu riba, ña fiju. Suma lion i kurva, i dita; suma lion beju, kin ku na osa dispertal?

“Ruben, abo i ña purmeru fiju, ña forsa, kumsada di ña puder, mas di ki tudu na orgulyu, mas di ki tudu na puder; diskontroladu suma yagu, bu ka na sedu kil mas importanti, pabia bu subi na kama di bu pape, bu kontamina kama di si kumadri.