Popular Bible Verses from Romanos 6

Share

Chi ya̱ꞌvi ya̱ níꞌínꞌ ñɨvɨ jie̱ꞌe̱ꞌ kua̱chi ráa kúvi ya̱ naanꞌ ráa kuéntáꞌ jíꞌíꞌ ráa nu̱u̱nꞌ Ndiosíꞌ, soo ta̱ꞌvi̱ꞌ ya̱ síkútaꞌviꞌ Ndiosíꞌ ví ya̱ kutekuꞌ‑ó jín re̱ꞌ nɨ́ɨ́nkání jie̱ꞌe̱ꞌ yɨ́ꞌɨ́‑ó nu̱u̱nꞌ I̱toꞌoꞌ‑ó Cristo Jesús.

Chi ntu íyó kuneí kua̱chi jín rán, chi ntu yɨ́ꞌɨ́ rán ka̱ꞌ xi̱ntíín tu̱ꞌun ley ya nta̱túníꞌ Ndiosíꞌ, chisaꞌ yɨ́ꞌɨ́ rán chi̱ji tu̱ꞌun ya̱ íyó mániꞌ iniꞌ Ndiosíꞌ néꞌyá re̱ꞌ ránoꞌó.

Saáva kuéntáꞌ nyɨse̱ꞌí nkáá‑ó jín Cristo sáá ña̱nuté‑ó, chi yɨ́ꞌɨ́‑ó nu̱u̱nꞌ re̱ꞌ ya̱ suni jíꞌín‑ó ni̱ꞌi̱ꞌ‑ó jín re̱ꞌ. Sáva sánikua̱ꞌ nnako̱o Cristo nna̱tekuꞌ re̱ꞌ nkene re̱ꞌ nteñu rá níꞌiꞌ nsa̱ꞌá Tátáꞌ re̱ꞌ jín fuersáꞌ ííꞌ kúñáꞌnú níso‑o jee suni sukuán kúvi nakaka‑ó ichi jiáá.

Jee ni koto jiáꞌa rán ka̱ꞌ maárán nu̱u̱nꞌ kua̱chi sáva ntu kuatíñú rán yɨkɨkúñu rán saꞌá rán tiñu ya̱ ntu íyó na̱a̱ꞌ. Chisaꞌ ku̱ꞌva rán maárán nu̱u̱nꞌ Ndiosíꞌ, kuéntáꞌ ɨɨn ñɨvɨ ya̱ níꞌiꞌ jee nna̱tekuꞌ‑u nkene‑e nteñu rá ni̱yɨ. Jee ku̱ꞌva rán yɨkɨkúñu rán nu̱u̱nꞌ Ndiosíꞌ sáva kuvi‑i ɨɨn nantíñú ya̱ kuatíñú re̱ꞌ saꞌá re̱ꞌ tiñu na̱a̱ꞌ.

Jee jíníꞌ‑ó ya̱ ya nnaanꞌ na̱ ñɨvɨ nkuvi‑ó tiempúꞌ ya̱ta̱ꞌ, chi jíꞌín‑i ni̱ꞌi̱ꞌ nkáá‑a jín Cristo nu̱u̱nꞌ kurúsiꞌ, sáva naanꞌ ya̱ kúneí kua̱chi jín ñunéꞌyúꞌ‑ó, sáva nkɨ́tíñú‑ó ka̱ꞌ nu̱u̱nꞌ kua̱chi.

Jee suni sukuán ránoꞌó kuꞌun iniꞌ rán kuéntáꞌ ya̱ ya ni̱ꞌi̱ꞌ rán nu̱u̱nꞌ kua̱chi, soo tékúꞌ rán sáva kɨtíñú rán nu̱u̱nꞌ Ndiosíꞌ jie̱ꞌe̱ꞌ yɨ́ꞌɨ́ rán nu̱u̱nꞌ Cristo Jesús.

Saájee, ¿ná kúvi ya̱ kachiꞌ‑ó? ¿Á kunikɨnꞌ‑ó ka̱ꞌ saꞌá‑ó kua̱chi sáva kukueꞌeꞌ ka̱ꞌ ya̱ koo ma̱ni̱ꞌ iniꞌ Ndiosíꞌ kune̱ꞌyá re̱ꞌ yó, rúsa? ¡Vankée sukuán!, chi ya ni̱ꞌi̱ꞌ‑ó nu̱u̱nꞌ kua̱chi‑ó, ¿na̱sa kuvi kueꞌnu i̱i̱ꞌ‑órán ka̱ꞌ jín kua̱chi‑ó, rúsa?

¿Á ntu jíníꞌ rán ya̱ retú chiꞌi rán maárán xi̱ntíín inka ñɨvɨ kuéntáꞌ ɨɨn musúꞌ kéꞌen ñɨvɨ sáva kaníjiá rán maa, saájee kúvi rán musúꞌ kéꞌen ya̱ yɨ́ꞌɨ́ rán xi̱ntíín ñɨvɨ vá ya̱ káníjiá rán? Jee suni sukuán kúvi rán musúꞌ yɨ́ꞌɨ́ rán xi̱ntíín kua̱chi retú chiꞌi rán maárán xi̱ntíín kua̱chi kaníjiá rán maa, jee kenta kuéntáꞌ jíꞌíꞌ rán nu̱u̱nꞌ Ndiosíꞌ. Áxí kúvi rán musúꞌ yɨ́ꞌɨ́ rán xi̱ntíín Ndiosíꞌ ya̱ káníjiá rán re̱ꞌ jee kenta kino̱o na̱a̱ꞌ rán nu̱u̱nꞌ re̱ꞌ.

Soo nkútaꞌviꞌ‑ó nu̱u̱nꞌ Ndiosíꞌ, ya̱ súnika̱ꞌ nyɨ̱ꞌɨ rán xi̱ntíín kua̱chi kuéntáꞌ musúꞌ kéꞌen, nékúvi, soo vitan jee nka̱níjiá rán ne̱ ánímaꞌ rán Tu̱ꞌun Ndiosíꞌ ya̱ nxi̱néꞌénꞌ ráa nu̱u̱nꞌ ránoꞌó. Jee ya nna̱kani núne Ndiosíꞌ ránoꞌó nkɨ́ꞌɨ rán ka̱ꞌ xi̱ntíín kua̱chi, jee saájee ya̱ nki̱vɨ rán xi̱ntíín máá tiñu na̱a̱ꞌ kuéntáꞌ musúꞌ kéꞌen.