Popular Bible Verses from Romanos 5

Share

Soo stúvi Ndiosíꞌ ya̱ ñúnúunꞌ re̱ꞌ yó, chi ni̱ꞌi̱ꞌ Cristo jie̱ꞌe̱ꞌ‑órán ne̱ sáá kúvi i̱i̱ꞌ‑ó ñɨvɨ kua̱chi.

Jee ya̱ íyó tu̱neí iniꞌ‑ó yaꞌá, ntu̱ví jiáꞌa tu̱nkánuun nu̱u̱nꞌ‑ó, chi Ta̱chi̱ꞌ Ííꞌ ya̱ ntaji Ndiosíꞌ nu̱u̱nꞌ‑ó, ya̱ nchu̱chítú re̱ꞌ ánímaꞌ‑ó tu̱ꞌun ñúnúunꞌ Ndiosíꞌ yó.

Jee nsáꞌ kua̱chi kuitɨꞌ yaꞌá, chi suni kúsɨ́ɨꞌ iniꞌ‑ó nu̱u̱nꞌ tu̱nóꞌó nóꞌo‑ó, chi jíníꞌ‑ó ya̱ nu̱u̱nꞌ tu̱nóꞌó nóꞌo‑ó vá sáꞌá ya̱ jíjia iniꞌ‑ó káꞌnú koo iniꞌ‑ó keꞌneꞌ iniꞌ‑ó ya̱ kuiñɨ kutú‑ó nu̱u̱nꞌ Jesús. Jee ya̱ káꞌnú koo iniꞌ‑ó jiéꞌnéꞌ iniꞌ‑ó íñɨ́ kutú‑ó sáꞌá‑a ya̱ kene na̱a̱ꞌ va̱ꞌa‑ó, jee ya̱ kene na̱a̱ꞌ va̱ꞌa‑ó vá sáꞌá ya̱ íyó tu̱neí iniꞌ‑ó kúnáaꞌ iniꞌ‑ó ya̱ saꞌá Ndiosíꞌ.

Jee nu̱u̱nꞌ nkuna̱a̱ꞌ iniꞌ Ndiosíꞌ ya̱ kino̱o na̱a̱ꞌ‑ó nu̱u̱nꞌ re̱ꞌ jie̱ꞌe̱ꞌ ya̱ kúneí iniꞌ‑ó Jesús, saáva íyó mániꞌ Ndiosíꞌ jín‑ó jie̱ꞌe̱ꞌ I̱toꞌoꞌ‑ó Jesús ya̱ kúvi Cristo. Chi suni Cristo nsa̱ꞌá ya̱ nkívɨ‑ó nu̱u̱nꞌ ya̱ íyó mániꞌ iniꞌ Ndiosíꞌ néꞌyá re̱ꞌ yó, sú ntu íyó ni̱ꞌi̱nꞌ‑ó maa. Jee íñɨ́ ni̱ꞌin‑ó jín ya̱ íyó mániꞌ iniꞌ Ndiosíꞌ néꞌyá re̱ꞌ yó. Jee kúsɨ́ɨꞌ iniꞌ ánímaꞌ‑ó chi íyó tu̱neí iniꞌ‑ó kúnáaꞌ iniꞌ‑ó ya̱ taji re̱ꞌ nu̱u̱nꞌ‑ó ya̱ viiꞌ kúñáꞌnú‑ó jín re̱ꞌ.

Chi ne̱ sáá táyáꞌ iniꞌ‑ó ntu̱náꞌ kúvi saꞌá‑ó sáva kino̱o na̱a̱ꞌ‑ó nu̱u̱nꞌ Ndiosíꞌ, jee maá tiempúꞌ ñani Ndiosíꞌ ni̱ꞌi̱ꞌ Cristo jie̱ꞌe̱ꞌ rá ñɨvɨ ntu ntɨ́ɨn kuéntáꞌ ráa Ndiosíꞌ.

Jee saáva nu̱u̱nꞌ ya̱ sííyo Ndiosíꞌ kua̱chi‑ó vitan sáva kino̱o na̱a̱ꞌ‑ó nu̱u̱nꞌ re̱ꞌ jie̱ꞌe̱ꞌ ya̱ níꞌiꞌ Cristo jee ñatɨ ni̱ñɨ̱ꞌ re̱ꞌ, jee saꞌ víꞌí ka̱ꞌ sikáku re̱ꞌ yó nkúnoꞌo‑ó tu̱nóꞌó xinóꞌo Ndiosíꞌ ñɨvɨ jie̱ꞌe̱ꞌ kua̱chi ráa chi kítɨ́ꞌ iniꞌ re̱ꞌ jie̱ꞌe̱ꞌ kua̱chi ráa.

Chi jie̱ꞌe̱ꞌ ya̱ ntu nka̱níjiá métúꞌún ni te̱e nkenta nu̱u̱nꞌ rá kue̱ꞌe̱ꞌ ñɨvɨ ya̱ kúvi ráa ñɨvɨ kua̱chi, jee suni sukuán jie̱ꞌe̱ꞌ ya̱ nka̱níjiá métúꞌún ni te̱e jee kue̱ꞌe̱ꞌ ñɨvɨ kenta kuvi ráa ñɨvɨ na̱a̱ꞌ.

Jee nsáꞌ kua̱chi yaꞌá ni, chi suni kúsɨ́ɨꞌ víꞌí iniꞌ‑ó néꞌyá‑ó Ndiosíꞌ jie̱ꞌe̱ꞌ I̱toꞌoꞌ‑ó Jesús ya̱ kúvi Cristo, chi vitan jee nsa̱ꞌá re̱ꞌ ya̱ nníꞌinꞌ‑ó ya̱ nnúma̱ni̱ꞌ Ndiosíꞌ jín‑ó.