Popular Bible Verses from Gálatas 6

Share

Koto núun iniꞌ‑órán saꞌá‑ó ya̱ váꞌa. Chi kenta ki̱vɨ̱ꞌ ñani Ndiosíꞌ ya̱ ni̱ꞌi̱nꞌ‑ó ta̱ꞌvi̱ꞌ taji re̱ꞌ, kuéntáꞌ níꞌínꞌ‑ó tataꞌ sáꞌá‑ó, retú ntu nikó iniꞌ‑ó sáꞌá‑ó ya̱ váꞌa.

Saáva sáá kénta íyó, jee saꞌá‑ó ya̱ váꞌa nu̱u̱nꞌ nɨꞌɨ. Jee ya̱ ñáꞌnú ka̱ꞌ vá íyó saꞌá‑ó ya̱ váꞌa nu̱u̱nꞌ rá ñanitáꞌán‑ó ya̱ kúneí iniꞌ ráa Jesús.

Chineí táꞌán rán néni ɨɨn ya̱ nóꞌo táꞌán rán. Chi sukuán sikúnkuvi rán tu̱ꞌun ley tátúníꞌ Cristo.

Koto xínáꞌví rán maárán. Chi ni ɨɨn ñɨvɨ nkúvi saꞌá kátá iniꞌ ráa nu̱u̱nꞌ Ndiosíꞌ. Chi sáni sáꞌá ɨɨn ñɨvɨ, suni sukuán ni̱ꞌi̱nꞌ‑i, kuéntáꞌ ɨɨn te̱e táji tataꞌ, nániꞌinꞌ re̱ꞌ tataꞌ sáni ya̱ ntaji re̱ꞌ.

Chi retú ki̱vɨ‑ó ichi ya̱ níyo néꞌén iniꞌ‑ó saꞌá‑ó jín yɨkɨkúñu kua̱chi‑ó, jee suꞌva íyó‑ó kuéntáꞌ ɨɨn te̱e táji. Chi va̱ji ne̱ nu̱u̱nꞌ ya̱ níyo néꞌén iniꞌ‑ó ɨɨn tataꞌ sáꞌá‑ó. Ni̱ꞌi̱nꞌ‑ó ya̱ stívɨ́‑ó maáó, ya̱ koo‑ó kuéntáꞌ níꞌiꞌ‑ó nu̱u̱nꞌ Ndiosíꞌ. Jee retú ki̱vɨ‑ó naꞌá Ta̱chi̱ꞌ Ííꞌ Ndiosíꞌ, ni̱ꞌi̱nꞌ‑ó ɨɨn tataꞌ sáꞌá‑a ya̱ sikútekuꞌ Ta̱chi̱ꞌ Ííꞌ yó nɨ́ɨ́nkání jín Ndiosíꞌ.

Ránoꞌó ñaniꞌ, ré ɨɨn táꞌán rán nkininkava nu̱u̱nꞌ kua̱chi, suvirán ya̱ sáꞌá sáni kuíni Ta̱chi̱ꞌ Ííꞌ Ndiosíꞌ, jee nachuꞌun tuku rán máá ichi váꞌa. Kaꞌanꞌ másúꞌ iniꞌ rán jín‑i. Jee nito koo rán maárán, sáva nsíkúvi iniꞌ rán nu̱u̱nꞌ kua̱chi vá.

Ré ɨɨn ñɨvɨ káꞌvi téyɨ́ɨ́ iniꞌ, súnika̱ꞌ ntu̱náꞌ kúvi‑i, jee xínáꞌví‑i maáa. Soo ta ɨɨn ñɨvɨ kototúníꞌ‑i maáa jie̱ꞌe̱ꞌ tiñu sáꞌá‑a. Ña̱re nu̱u̱nꞌ sáꞌá va̱ꞌa rán, kuvi kusɨ̱ɨ̱ꞌ téyɨ́ɨ́ iniꞌ‑i jie̱ꞌe̱ꞌ ya̱ sáꞌá‑a jee nkúvi saꞌá nuún‑u maáa jín inka ñɨvɨ. Chi ta ɨɨn‑ó kuneenu̱u̱nꞌ‑ó sikúnkuvi‑ó tiñu sáꞌá‑ó.