Popular Bible Verses from Gálatas 5

Share

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa, másúꞌ iniꞌ ráa, nákeꞌen ráa maáráa. Ntu íyó ni ɨɨn ley ya̱ chikua̱chi si̱kɨ̱ꞌ ñɨvɨ sáꞌá rá tiñu yaꞌá.

Soo tu̱ꞌun ya̱ káchíꞌ ni̱ꞌ nu̱u̱nꞌ rán ví yaꞌá: Kaka rán ichi sáni jiáni Ta̱chi̱ꞌ Ííꞌ Ndiosíꞌ ránoꞌó, jee nsíkúnkuvi rán tiñu ya̱ níyo iniꞌ rán saꞌá rán jín ñunéꞌyúꞌ kua̱chi.

Nu̱u̱nꞌ xítékúꞌ Ta̱chi̱ꞌ Ííꞌ Ndiosíꞌ yó jín Ndiosíꞌ, saájee kaka‑ó ichi na̱a̱ꞌ sáni jiáni Ta̱chi̱ꞌ Ííꞌ re̱ꞌ yó.

Saájee rá ñɨvɨ yɨ́ꞌɨ́ nu̱u̱nꞌ Cristo Jesús, ñaꞌniꞌ ráa ya̱ níyo néꞌén iniꞌ ráa nu̱u̱nꞌ kurúsiꞌ, jín ne̱ ya̱ néꞌén ya̱ nóꞌónꞌ iniꞌ ráa saꞌá ráa, jín ne̱ ya̱ néꞌén ya̱ tíntɨ́ ráa.

Nijinꞌ túvi rá tiñu ya̱ ntu chíꞌi ñɨvɨ naꞌá Ndiosíꞌ, jee sáꞌá ráa sáni níyo néꞌén iniꞌ ráa. Kúvi rá yaꞌá: sáꞌá téní ráa, sáꞌá ráa tiñu néꞌí, tiñu néꞌí kákini sáꞌá ráa, néñu̱ꞌun ráa rá nantíñú ya̱ ntu kúvi‑i Ndiosíꞌ, sáꞌá tásɨ́ ráa, táꞌvi iniꞌ ráa néꞌyá ráa táꞌán ráa, sáꞌá ráa ti̱xi̱nꞌ, kuíñɨ́ ráa, xe̱e̱nꞌ iniꞌ ráa, uꞌvi iniꞌ ráa ya̱ kuíni ráa kene ráa ka̱ꞌ nu̱u̱nꞌ inka ñɨvɨ, sáꞌá sɨ́ɨ́n ráa ɨɨn inka ráa táꞌán ráa, jee sáꞌá ráa ka̱ꞌ grupo ya̱ káꞌánꞌ sɨ́ɨ́n jee kénta si̱kɨ̱ꞌ táꞌán ráa, sáꞌá úꞌvi iniꞌ ráa néꞌyá ráa rá nantíñú inka ñɨvɨ, jiáꞌníꞌ ráa ñɨvɨ, nákúni ráa, sáꞌá ráa viko néꞌén, jee sáꞌá víꞌí ráa sukuán. Jee káchíꞌ ni̱ꞌ sáni ya̱ nkachiꞌ ni̱ꞌ nu̱u̱nꞌ rán ya̱: rá ñɨvɨ sáꞌá rá tiñu suꞌva, jee nsáꞌ nni̱ꞌi̱nꞌ ráa ta̱ꞌvi̱ꞌ ya̱ ki̱vɨ ráa naꞌá Ndiosíꞌ nu̱u̱nꞌ tátúníꞌ re̱ꞌ.

Chi, ránoꞌó ñaniꞌ, nkana Ndiosíꞌ ránoꞌó, sáva koo núne rán jee nkɨ́ꞌɨ rán xi̱ntíín ley vá jín rá costumbre. Soo sú nééꞌ núne rán nu̱u̱nꞌ ley, jee koto jiátíñú rán maa, sáva saꞌá rán ya̱ níyo néꞌén iniꞌ rán jín yɨkɨkúñu kua̱chi. Jee kunu̱u̱nꞌ ɨɨn inka rán táꞌán rán, sáva kuvi rán musúꞌ saɨn nu̱u̱nꞌ ɨɨn inka rán, jee chineí rán ɨɨn inka táꞌán rán.

Chi ya̱ níyo néꞌén iniꞌ rán jiásɨ́ꞌ nu̱u̱nꞌ ya̱ kuíni Ta̱chi̱ꞌ Ííꞌ Ndiosíꞌ. Jee ya̱ kuíni Ta̱chi̱ꞌ Ííꞌ jiásɨ́ꞌ ya̱ níyo néꞌén iniꞌ rán. Ña̱re jiásɨ́ꞌ ɨɨn inka ráa nu̱u̱nꞌ táꞌán ráa. Sáva ntu kúvi saꞌá rán néni ɨɨn tiñu kuíni rán saꞌá rán.

Chi ya̱ nsi̱kúnkuvi‑ó nɨꞌɨ ya̱ tátúníꞌ ley, retú sikúnkuvi‑ó ɨɨn ni tu̱ꞌun ya̱ tátúníꞌ Ndiosíꞌ ya̱ káchíꞌ‑i: “Íyó kunu̱u̱nꞌ nú ñanitáꞌán nú kuéntáꞌ ñúnúunꞌ nú maánú.”

Koto ñúꞌún vi̱xi̱ꞌ iniꞌ‑ó, ni nsíkítɨ́ꞌ‑ó iniꞌ ɨɨn inka‑ó, jee ni nkóo uꞌvi iniꞌ‑ó kune̱ꞌyá‑ó rá nantíñú ɨɨn inka‑ó.

Nna̱kani núne Cristo yó, sáva kuiñɨ núne yó. Saáva kuiñɨ ni̱ꞌin núne rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ. Jee koto kíninkava tuku rán xi̱ntíín tu̱ꞌun vá ya̱ kuvi tuku rán musúꞌ sátíñú saɨn.