Popular Bible Verses from फिलिप्पियों 4

Share

कोसी भे बात का फिकर ने करे, परह् बादी बातो दे तुवाँरे ढाल-अरज, प्रार्थना अरह् ढाल-अरज के जाँणें धन्यबाद आरी पंण्मिश्वर के संहाम्णें हाजिर हों।

तबे पंण्मिश्वर के शाँण्त्ति, जू बादी संम्झ शे बाऐर असो, तुवाँरें दिल अरह् तुवाँरे बिचार मसीया प्रभू यीशू दे बचाऐं दियों।

ईन्देंखे हे भाऐ-बईणों जू-जू बातो साची असो, अरह् जू-जू बातो ईज्जत की असो, अरह् जू-जू बातो पबित्र असो, अरह् जू-जू बातो मंन लुभाणी असो, अरह् जू-जू बातो मंन दी भाँव, मतल्व जू भे सत्तगुण, अरह् तारीफ की बातो असो, तिन्दे गाशी ध्याँन लाव।

जू मुँखे तागत दियों, तिन्दे खे हाँव सब-कुछ करी सकू।

प्रभू दे सदा खुशी रंह्, हाँव हजो बुलू, के खुशी रंह्।

मेरा पंण्मिश्वर भे आप्णे तेसी धन के मुँताबिक शो जू बड़ियाऐ लई, मसीया यीशू दा असो, तुँवारी ऐक नाँम घटी पुरी कर्ले।

जुण्जी बातो तुँऐं मुँह कैई शी शिखी अरह् तुऐ माँनी, अरह् शुँणीं अरह् मुँदी देखी, तिन्दी का पाल़्ण करिया करह्, तबे पंण्मिश्वर जू शाँण्त्ति का दाता असो, से तुँवारी गईलो रह्दा।

तुँवारी नरमाँऐं बादे आदमी गाशी पर्गट हों, प्रभू नंजीक असो।

हाँव गरीबाऐ, अरह् अंमिराई दु:ई बातों शा भुगत्तियों आऐ रूवा; हर ऐक बात अरह् बादे हालात दा मुँऐं राजी रहणों, अरह् भूखो रहणों, अरह् बड़णों, अरह् घट्णों शिखी थो।

ऐजो ने के हाँव आप्णी जरूरत्त के कारण ऐजो बुलू, किन्देंखे के मुँऐ ऐजो शिखी थो, के जेसी दषा दा हाँव असो, तिदा ही खुशी भे रऊँ।