Popular Bible Verses from Numeri 14

Share

AWURADE ani so atua ara nko na monntew, na munnsuro asase no sofo no, na wɔyɛ yɛn aduan; wɔn kataman afi wɔn so, na yɛn de, AWURADE di yɛn akyi, munnsuro wɔn.

AWURADE yɛ abufuw mu nyaa na n'adɔe dɔɔso: Ɔde amumɔyɛ ne mmarato kyɛ, nanso ommu nea odi fɔ no kumfɔ; na otua agyanom amumɔyɛ so ka de fa mma so kosi awo ntoatoaso abiɛsa ne anan so.

Sɛ yɛsɔ AWURADE ani a, ɔde yɛn bedu asase no so na ɔde ama yɛn, asase a ɛsen nufusu ne ɛwo no.

Na m'akoa Kaleb de, sɛ honhom a ɛso wɔ no mu na wadi m'akyi awie nti, mede no medu asase a ɔkɔɔ so no so, na n'asefo adi so.

Ka kyerɛ wɔn sɛ: Me ara, sɛ mete ase yi, AWURADE na ose, sɛnea moakasa agu m'asom no, saa ara na mɛyɛ mo

Na AWURADE ka kyerɛɛ Mose sɛ: Ɔman yi bɛtew me ahi akosi da bɛn? Na enkosi da bɛn na wɔrennye me nni, nsɛnkyerɛnne a mayɛ wɔn mu no nyinaa akyi?

Na Israelfo no nyinaa nwiinwii hyɛɛ Mose ne Aaron, na asafo no nyinaa ka kyerɛɛ wɔn sɛ: Ɛkaa yɛn nko a, anka yewuwui Misraim asase so, anaa sare so ha mpo. Ɛkaa yɛn nko a, anka yɛawuwu.

Na Nun ba Yosua ne Yefune ba Kaleb a wɔfra asase no srafo no mu no sunsuanee wɔn ntade mu, na wɔka kyerɛɛ Israelfo asafo no nyinaa sɛ: Asase a yetwaa mu kɔsrae no yɛ asase pa ara.

nanso sɛ mete ase na AWURADE anuonyam bɛhyɛ asase nyinaa ma yi, mmarima no a wohuu m'anuonyam ne me nsɛnkyerɛnne a meyɛe Misraim ne sare so no a wɔasɔ me ahwɛ mpɛn du ni na wɔantie me nne no nyinaa, ampa ara, wɔrenhu asase a mekaa ho ntam mekyerɛɛ wɔn agyanom no, na wɔn a wɔatew me ahi no mu biara nso renhu.