Popular Bible Verses from Eksodɔs 3

Share

Na Onyankopɔn ka kyerɛɛ Mose sɛ: ME ARA NE NEA MENE. Na ose: Sɛnea ka kyerɛ Israelfo no ni: ME ARA na asoma me mo nkyɛn yi.

Na AWURADE ka kyerɛɛ no sɛ: Medi w'akyi; na eyi bɛyɛ wo sɛnkyerɛnne sɛ me na mesomaa wo: wunya yi ɔman no fi Misraim ba a, mobɛsom Nyankopɔn wɔ bepɔw yi so.

Ɛnna AWURADE kae sɛ: Ntwiw mmɛn ha! Yi wo nan ase mpaboa, na nea wugyinae hɔ yɛ asase kronkron.

Na AWURADE se: Ohu na mahu me man a ɛwɔ Misraim no amanehunu, na wɔn su a wɔn so ahwɛfo nti wosu frɛ no mate. Na masian sɛ merebeyi wɔn Misraimfo nsam, na matutu wɔn afi asase no so akɔ asase pa a ɛtrɛw so, asase a nufusu ne wo sen wɔ so: Kanaanfo, Hetifo, Amorifo, Perisifo, Hewifo, Yebusifo tenabea hɔ.

Na AWURADE bɔfo beyii ne ho adi kyerɛɛ no wɔ nkyɛkyerɛ bi mfinimfini gyaframa mu, na ɔhwɛe, na hwɛ, nkyɛkyerɛ no redɛw, nanso nkyɛkyerɛ no nhyew.

Na afei bra na mensoma wo Farao nkyɛn, na koyi me man Israelfo no fi Misraim.