Popular Bible Verses from Rôma 8

Share

Azw’avôrô kè inè, isam̃u yôdu yi janja ta gô mbya gôre waô wi tond’Anyambyè, waô wi re fweyô pa ga nt’are nkenjiṉi yè.

Konde my’avôrô mbyambye inè, arang’ijuwa, g’em̃èṉo, ge iyenjèl, ge ampenda, ge isam̃u ya tè, ge isam̃u yi bya, ge anyanga, ge idôndwa, ge ôronga, g’ezom̃’edu ezèṉè z’avangyô ko jolye bangunya zwè avila gw’itonda s’Anyambyè si re tum̃inyô pa gôre Yesu‐Krist, y’Ôvangiṉi wazô.

Yeṉo kè Iṉiṉa nyi nunguṉa zwè gô ndèliṉi yazô, konde azwè pa mya ezom̃a zi re zwè gô bambya gw’inkolo sazô ga nt’are kwèkwè. Ndô Iṉiṉa nyômè nyi kwen’inkolo g’ômwanji wazô n’isim̃iṉa si re s’ayolye kambô

Sambô azwè be bulya sè g’ômwanja w’isam̃u yiṉo? J’Anyambyè adwaṉa g’ôzambi wazô, mande be sira zwè?

Sambô vèṉo e zel’ôgara gôre waô wi re gôre Yesu‐Krist.

Ni nakiṉi y’ôzôṉe yô n’ijuwa, ndô nakiṉi y’Iṉiṉa yô n’em̃èṉo n’am̃ènjè

Ndô gw’isam̃u yiṉo yôdu azw’ar’igevisi, na vyagaṉô, vo yè y’arondi zwè.

Mi tanga nè, injuke s’egômbe za tè ziṉo s’ayolye kèṉizô n’ônjèlènjèlè wi bya wi be tum̃inyô gôre zwè.

Mande be bangunya zwè avila gw’itonda si Krist, injuke, mbè azingô, mbè ikombizô, mbè njaṉa, mbè ôtele, mbè ererya, mbè ôkwara?

n’ayè yi kèlagèl’irèm̃a avôrô nt’are mpinkilyi y’Iṉiṉa, konde nyi kambiṉa g’ômwanja w’iyombwi ga nt’are ntondiṉi y’Anyambyè.

konde waôdu wi kèndyô n’Iṉiṉa ny’Anyambyè, waô awaṉa w’Anyambyè.

Konde waô wi dwaṉa ga nt’ar’ôzôṉe wi nak’isam̃u y’ôzôṉe; ndô waô wi dwaṉa ga nt’ar’Iṉiṉa wi nak’isam̃u y’iṉiṉa.

Ayè yi re e pa simbya Ômwaṉi wèmè, ndô aveṉi yè g’ômwanji wazô azwèdu, ave zwè kè isam̃u yôdu na yè?

Iṉiṉa nyômè nyi takilya mpo mô n’irèm̃i yazô, inè, azwè awaṉa w’Anyambyè. Na j’azw’awaṉa, gambèṉè azwè kè iyigisi, iyigisi y’Anyambyè n’iyigisi ta ni Krist, mpag’azw’asindiṉa na yè, ko zwè pendyô kè na yè.

konde nakiṉi y’ôzôṉe yi re ndôṽa gôr’Anyambyè, konde yi pa jogiṉô ivanga ny’Anyambyè, ge jolye jogiṉô nyô kè.

Konde ijônguṉ’ipôlô s’eliṽa zôdu si pengiṉ’ibôm̃unya s’awaṉa w’Anyambyè.

Konde azw’avôrô, inè, eliṽa zôdu zi sim̃iṉa azuṉ’izongo y’ijaṉa kwanga gw’egômbe ziṉo.