Popular Bible Verses from Rôma 6

Share

Konde ipa s’ibe sô n’ijuwa; ndô ezom̃a zi pô n’Anyambyè mpagaga, n’em̃èṉo z’egômbe zôdu gôre Yesu‐Krist y’Ôvangiṉi wazô.

Konde ibe si ze tô dwaṉe ni ngulu nyèṉè gôre ṉwè, konde aṉw’azele gw’ivanga, ndô gw’imèpiṉô.

Sambô azw’aṽènyô na yè vo ibatizô gw’ijuwi sè, inè, ga nt’arôngunyô Krist avila gw’ijuwa v’ônjèlènjèlè wa Rerè, yeṉo kè azwè ga gangaṉe gw’em̃èṉo ezoṉa.

Avaṉi ṉam̃i yaṉi gw’ibe ga imyanga y’ibe; ndô yaṉ’ikuṽi yaṉi gôr’Anyambyè, g’aṉaga wi re bo avila gw’ijuwa, vaṉi kè Anyambyè ṉam̃i yaṉi ga imyanga y’ôgôre.

myagaga inè, ômi wazô ôlungu w’aṽanyô na yè gô krosi, k’ôkuṽa w’ibe jilizô, ko zw’alwaṉa nyèṉè asaka w’ibe

Yeṉo kè ṉwè, rangaṉ’ikuṽi yaṉi juwa pa gw’ibe, ndô bo gôr’Anyambyè gôre Yesu‐Krist.

Sambô azwè be bulya sè? Azwè be dwaṉa gw’ibe ko imèpiṉô buṉa? Alwaṉe yeṉo! Azwè yi re juwa pa gw’ibe, azwè be tô dwaṉa gw’ibe sè?

Aṉwè pa mya nè, j’aṉw’ap’ôma ikuṽi yaṉi g’asaka gô jogiṉô yè, gambèṉè aṉw’atweṉ’asaka w’ôma mè wi jogiṉô ṉwè, mbè w’ibe si kèndya gw’ijuwa, mbè w’ijogiṉô si kèndya g’ôgôre?

Ndô akeṽa gôr’Anyambyè inè, aṉw’avegag’asaka w’ibe, ndô aṉw’are jogiṉô pa n’irèm̃a inènja mè si re ṉwè nènjô pa. Gw’avangyô ṉwè yangayanga avila gw’ibe, aṉw’atweṉ’asaka w’ôgôre.