Popular Bible Verses from Rôma 14

Share

Konde iṉongo ny’Anyambyè arang’inya n’ijonga, ndô ôgôre n’am̃ènjè n’igeṽa vo Iṉiṉ’Iṽya. Ayè yi janjiṉe Krist g’ôsam̃u wiṉo e tondy’Anyambyè, azum̃inyô kè n’aṉaga.

Konde j’azw’adwaṉa bo, azwè dwaṉa bo gôre Rerè; na j’azw’ajuwa, azwè juwa gôre Rerè. Sambô j’azw’adwaṉa bo, ge zwè juwa, azwè mongi wa Rerè.

Sambô azwè ga gombiz’isam̃u y’am̃ènjè, n’isam̃u yi re zwè ko nungwaṉa.

Sambô azw’ayèkèlyaṉaṉi nyèṉè; ndô rô kenjeṉ’igamba nyiṉo, inè, ôm’edu awel’ibaku g’ezom̃a zi pôsunya gô mpoṉo ya ’mwareri yè.

Konde re tèndô pa inè: Ga nt’are myè bo, bulye Yeôva, ivuvy’edu nyi be dôṽiṉa myè akotolo, n’ôṉèm̃y’edu wi be sum̃iny’Anyambyè. Yeṉo r’ôm’edu gôre zwè, e be p’Anyambyè ntangô g’ômwanja w’ôkuṽi wèmè.

Wongaṉ’ôma wi re dèla gw’ibekelya, ko azozaṉi na yè g’ômwanja w’ipikilyi sè.

Awè mande, awè yi jèkèlye nyôngô yi ngaṉi? J’akum̃aṉa gôre, ge j’apôswa, gambèṉè igamba nya reri yè. Ndô e be kum̃aṉa gôre, konde Rerè are ni ngulu yi jolizè.