Popular Bible Verses from Rôma 12

Share

Ko agolaṉaṉ’ikuṽi yaṉi gô ntye yiṉo, ndô galunyôṉi gô mèpy’irèm̃i yaṉi, ko ṉwè mye ntondiṉi y’Anyambyè inè, yi re mbya, yi tondô, yi re kè mèpa pa.

Sambô, mi kwena ṉwè nkolo, awarera, g’ômwanja w’ipôgiṉa s’Anyambyè, inè, yiraṉ’ikuṽi yaṉi gôre yè ga ntyagô ya bo, na yi nkèrè, na yi tondô n’Anyambyè, inè, njanjiṉi y’irèm̃i yaṉi.

Yeṉaṉ’igeṽa gw’igum̃u. Zindiṉaṉi gw’injuke. Zoliṉaṉi gw’ikambiṉa.

Agevô ne mbe, ndô geve mbe ni dende mbya.

G’ômwanja w’itonda s’awarerè, lwaṉaṉi ralye n’itonda gôre ṉwè na ṉwè; g’ômwanja w’iduba, lônge dubeṉ’am̃ori.

Itonda si ga lwaṉ’ipondya fo. Ṽikaṉi mbe; livaṉi ta gô mbya.

Ja y’ajolyô, g’ôzambi waṉi, lwaṉaṉi n’am̃ènjè n’aṉaga waôdu.

Awiṉizaṉ’ekôlè, mongi tondô, ndô vaṉ’eguṉu z’Anyambyè mbôra; konde re tèndô pa inè: Ekôlè izam̃, myèmè mi be fwiza zô, bulye Rerè.

Lwaṉaṉi ni mpyô gô ṽilô yaṉi, arang’agera. Lwaṉaṉi ni mpyô g’ôrèm̃a. Yanjiṉaṉi Rerè.

V’imèpiṉô si re pô pa myè, mi buliny’ôm’edu gôre ṉwè, inè, avikilya g’ômwanja w’ôkuṽi wèmè vyagaṉô ni nt’are kwèkwè gôre yè gô pikilya, ndô ga vikilye n’ôzim̃a ga nt’ar’egèṉizô z’ibekelya si r’Anyambyè keriṉa p’ôm’edu.

Awizaṉi mbe gô mbe. Gombizaṉ’isam̃u yi r’imbya gw’antyo m’aṉaga waôdu.

Lwaṉaṉi n’ôrèm̃’ôm̃ô aṉwè na ṉwè. Aṉakaṉ’isam̃u impôlô, ndô gèndyôṉi n’isam̃u y’ôkendekende. Alwaṉaṉi n’imya gw’ikuṽi yaṉimè.

Ndô j’ôlôvalôvi wo ajogo njaṉa, nyezè inya; j’akôtô n’esôve, yonjè; konde gô dendo yeṉo ô be kenj’anyingilya m’ôgôṉi gw’ewônjô zè.

Zaviṉaṉi waô wi kombiza ṉwè, zaviṉaṉi ko alogaṉi. Yeṉaṉi mbya na waô wi jeṉe mbya; leṉaṉi na waô wi deṉa.

Vaṉ’iyombwi yom̃a yi re na waô isolo. Lwaṉaṉi n’ôyôgô.

Konde ga nt’are zwè ṉam̃a yenge g’ôkuṽ’ôm̃ori, ni ṉam̃a yôdu yi zele n’eṽilô emô, yeṉo kè azw’ar’awenge, azw’ar’ôkuṽ’ôm̃ori gôre Krist, n’azwèdu azw’are ṉam̃a y’ôkuṽa mè.