Popular Bible Verses from Matay 11

Share

Yôgôṉi gôre myè, aṉwèdu y’ajasi, aliriṉô n’arwaṉô, ko mi jowiza ṉwè.

Wongaṉi mpangi yam̃ gw’ikuṽi yaṉi, ko nèngaṉi gôre myè, konde my’are ni nkèngo n’ôkendekende g’ôrèm̃a, ko ṉwè dèng’ijowa gw’aṉiṉi maṉi.

Konde mpangi yam̃ yi re dèla, n’irwaṉô nyam̃ nyi re javura.

Yom̃a yôdu yi re pô pa myè ne Reri yam̃; e zel’ ôma e my’ Ômwaṉa, kaô ni Rerè; e zel’ôma kè e mye Rerè, kaô n’Ômwaṉa, n’ôm’edu e jivirô n’Ômwaṉa gô tum̃inyè yè.

Awiṉizyô waô ne Yesu inè: Gèndaṉi ko takilyaṉi Yôan isam̃u yi jogo ṉwè ni jeṉa: apoku mi jeṉa, bôke yi kènda, inkaṉi sa gelô si maṉa, impôge si jogo, bende yi tôngunyô, n’ikuge yi kambiṉô ntyangô.

Ayè yi re n’ôrôy gô jogo, e ga yogo.