Popular Bible Verses from Matay 10

Share

Vônaṉi, mi tôm̃a ṉwè g’adombè gô garegare y’injègo. Sambô lwaṉaṉi ôkeli g’im̃amba, ni nkèngo g’abembe.

Ayè yi be penjavenj’em̃èṉo zè, e be periza zô; n’ayè yi be periz’em̃èṉo zè g’ômwanji wam̃, e be dènga zô.

Aryaṉi waô wi jôṉ’ ôkuṽa, ndô wi re jolye jôṉ’ iṉiṉa; ndô rô tyeṉi yè are ko jiliz’ iṉiṉa n’ ôkuṽa ta gw’elôngô z’ôgôṉi.

n’ôm’ edu are awonge krosi yè, azônga myè, e ze n’inyanga gôre myè.

Sambô ôm’edu e be mèma myè gw’azô m’aṉaga, ayè be mèmô myè kè g’ôzô wa Reri yam̃ yi re g’ôrôṽa; ndô ôm’edu e be danda myè gw’azô m’aṉaga, ayè be dandô myè kè g’ôzô wa Reri yam̃ yi re g’ôrôṽa.

Rôlizaṉ’ibèli, rôngunyaṉi bende, yombunyaṉi mongi wi re n’inkaṉi sa gelô, rômbaṉ’aṉiṉ’ambe. Aṉwè avenyô mpagaga, vaṉi kè mpagaga.

Sambô aryaṉi aṉw’are njôni vyagaṉô n’inkène sinyenge.

Avikilyaṉi nè, my’aṽyeṉi gô piṉ’am̃ènjè gô ntye; mi re bye gô piṉ’am̃ènjè, ndô ôkwara w’iwora.