Popular Bible Verses from MARAKUSI 6

Share

Nakeni ngkaria ntau anu madadu i Yesu saʼe mewalilimo saʼe ntongo ngkarata, painaka bereʼe tempo i Yesu pai waʼa anaguru-A da mangkoni. Pai ndapantoʼo i Yesu ri anaguru-A, “Ndikaligamo tapalai ri tana soa, naka tepatani kita pai komi woʼu da meosa sarai.”

Ndatoʼo i Yesu ri tau seʼe, “Lawinya sambaʼa nabi ndatubunaka ri mbeʼi-mbeʼi, podo ri lipunya pai ri oyo waʼa ngkasangkomponya pai waʼa ntinanya, siʼa bareʼe ndatubunaka.”

Ri tempo mpenaʼu i Yesu ungka ri duanga, ndakita tau sondo. Merata puru ndaya-A ri tau seʼe maka tau seʼe ewa bimba anu bemoreʼe topongkambinya. Ndatepuʼu mampaguruka anu maria ngaya ri tau seʼe.

Njairia bareʼe ndapokono i Yesu mampowia mau sangaya tanda ngkuasa anu ndapojingki. Reʼe yau bara tesangkuja tau majuʼa anu ndadonco tanoananya ndapakaʼosa. Benge raya-A mangkita kabareʼenya meaya waʼa ntau seʼe. Ungka lairia malaimo i Yesu ri waʼa lipu anu sampotenginya mompaguru.

Roo setu ndatima i Yesu roti alima ngkomba pai bau radua mbaʼa, metingara Sira ri yangi, mekakai Sira ri Pue Ala. Roo setu ndaripusi roti alima ngkomba nepa ndapokau waʼa anagurua mampotilaka, ewanceʼe seʼe bau ndapotilaka ri tau seʼe pura-pura. Mangkonimo tau seʼe rantani mabosu. Roo setu napasambaka anagurua yabi mpangkoni ntau seʼe, buke sampuyu pai radua bingka.