Popular Bible Verses from MARAKUSI 14

Share

Ndatoʼo, “Papa, boo Papa, bereʼe mau sangaya anu bareʼe ndikoto Komi Papa. Ndiwawence ungka ri Yaku kapari seʼi. Paikanya neʼe ndiluluka pepokono-Ku paikanya pepokono-Mi Papa.”

Nepa ndatoʼo i Yesu ri tau seʼe, “Ndipongkenaasimo, pai ndipekakaimo da naka komi bareʼe mampomberataka pompebutuka. Lawi nawa-nawami da rayanya mawianaka anu monco, paikanya bareʼe ndikoto ua katolino setu malente.”

Ndipoaya moncomo! Ri mbeʼi-mbeʼi ntano ndapampobambarika Nuntu ngKatuwu ri sambawo lino seʼi, powia mbeʼa seʼi da kono ndapau woʼu da mewali tanda pangaendo siʼa.”

Ndatoʼo i Yesu ri tau seʼe, “Maʼai kojo kapari ndaya-Ku, ewa da matemo Kuepe. Ndikaroo-roomo ireʼi ndipongkenaasimo!”

Ri pangkoni ntau seʼe, ndatima i Yesu roti, nepa ndapekakaika. Roo setu ndaripu-ripu roti setu nepa ndawaika anaguru-A ndatoʼo, “Nditima pai ndikonimo, inceʼimo koro-Ku.”

Roo setu ndatima sambaʼa tabo mpanginu anggoro. Mekakai Sira maunde Pue Ala, nepa ndawaika waʼa anaguru-A tabo mpanginu setu. Tau seʼe pura-pura manginu anggoro setu. Roo setu ndatoʼo i Yesu, “Inceʼimo daa-Ku anu mampakainti pojanji mPue Ala, daa anu tebubu tila ntau maria.

Ungka lairia ndatoʼo i Yesu ri tau seʼe, “Komi pura-pura da molonco mampalaika Yaku. Maka lau ndaʼuki ri Sura Magali, ‘I Pue Ala da mampepate topongkambinya, pai bimbanya da tewuraga.’

Ndipembangumo, maʼi tapalai. Peole! Tau anu mampobalu Yaku jelamo!”

Ndatoʼo i Yesu, “Neʼe nukalingani, sambengi seʼi seʼe kabareʼepanya mototoroʼo manu karua ngkaninya, tatogo ngkanimo nupesapuka Yaku.”