Popular Bible Verses from MATIU 27

Share

Ri tinti tatogo lauka eo, meboo i Yesu marimbo oni nganga-A ndatoʼo, “Eli, Eli, Lama Sabatani!” anu posokinya, “Pue Ala-Ku, Pue Ala-Ku, makuja ndipalaika Yaku?”

Ayapa makumba anu ndadindi ri raya Banua i mPue masia ungka ri wawonya tudu-tudu ri joenya, tetila radua; nakeni ngkaʼai mpolinduginya maponga waʼa mbatu ri buyu. Waʼa dayo teloka, pai maria tau anu meaya ri Pue Ala, anu matemo ndapatuwu muni.

Bareʼe masae meboo woʼu i Yesu marimbo oni nganga-A, roo setu puramo inosa-A.

Tadulako ncurodado sangkani pai waʼa ncurodado anu majaga i Yesu, maʼai kojo kaeka ndayanya ri paepe ntau seʼe lindugi pai pura-pura anu mewali setu. Natoʼo ntau seʼe, “Monco kojo, siʼa seʼi Ana i mPue Ala!”

Ri kasawi-sawi eo, mawengimo sambawo ntana tatogo jaa kasaenya.

Natoʼo i mPilatu, “Ane ewanceʼe, da kukuja i Yesu anu ndatoʼo i Kerisitu?” Mesono tau seʼe pura-pura, “Da ndapaku ri kaju ndapanggo!” Napeoasi i mPilatu ri tau seʼe natoʼo, “Paikanya nunjaa salanya?” Janaʼaiwaka ntau seʼe meboo-boo, “Paku siʼa ri kaju ndapanggo!”